Sranan Tongo Bible 2016 (STB16)
25

Den singiman

251Dan David nanga den man di ben de frantwortu fu a wroko ini tempel poti en so taki den bakapikin fu Asaf, Heman nanga Yedutun no ben abi fu du aladei wroko. Den man dati ben o taki san Gado ben gi den fu taki, te citer, harp nanga cimbaal ben o prei. Den man di ben o du a wroko dati ben de: 2den manpikin fu Asaf: Sakur, Yosef, Netanya nanga Asarela. Asaf ben e tiri den èn na kownu srefi ben poti Asaf fu taki san Gado ben e gi en fu taki. 3Den manpikin fu Yedutun: den ben de nanga siksi, Gedalya, Seri, Yesaya, Hasabya, Matitya nanga Simi. Den p'pa Yedutun ben e tiri den. Te a citer ben e prei, Yedutun ben e prijse MASRA èn gi En grani èn a ben e taki san Gado ben e gi en fu taki. 4Den manpikin fu Heman: Bukiahu, Matanya, Usiyel, Sebuel, Yerimot, Hananya, Hanani, Eliata, Gidalti, Romamti-Eser, Yosbekasa, Maloti, Hotir nanga Makasiot. 5Den alamala ben de manpikin fu Heman, a man di Gado ben e sori sani gi kownu. Heman ben man taigi kownu san den sani di Gado ben sori en ben wani taki èn a ben e du en tapu wan krakti fasi. Gado ben gi Heman tin-na-fo manpikin nanga dri umapikin. 6Ala den man disi ben e meki poku nanga cimbaal, harp nanga citer te Asaf, Yedutun nanga Heman, den p'pa fu den, ben e singi ini a oso fu MASRA. Den ben e du en leki fa kownu David ben taigi den fu du en. 7Makandra nanga den tra famiri fu den, di ben kisi leri fu singi gi MASRA, a grupu fu den alamala di ben kba teki leri, ben de tu hondro aititenti-na-aiti.

8Den meki a lot sori oten sortu grupu ben o wroko. Den du dati sondro fu luku efu yu ben yongu noso owru, èn efu yu ben kba teki leri noso efu yu ben e teki leri ete. 9A fosi lot sori Yosef fu a famiri fu Asaf. A di fu tu sori Gedalya, den manpikin nanga den famiri fu en ben de twarfu sma. 10A di fu dri sori Sakur. Den manpikin nanga den famiri fu en ben de twarfu sma. 11A di fu fo sori Yisri. Den manpikin nanga den famiri fu en ben de twarfu sma. 12A di fu feifi sori Netanya. Den manpikin nanga den famiri fu en ben de twarfu sma. 13A di fu siksi sori Bukiahu. Den manpikin nanga den famiri fu en ben de twarfu sma. 14A di fu seibi sori Yesarela. Den manpikin nanga den famiri fu en ben de twarfu sma. 15A di fu aiti sori Yesaya. Den manpikin nanga den famiri fu en ben de twarfu sma. 16A di fu neigi sori Matanya. Den manpikin nanga den famiri fu en ben de twarfu sma. 17A di fu tin sori Simi. Den manpikin nanga den famiri fu en ben de twarfu sma. 18A di fu erfu sori Asarel. Den manpikin nanga den famiri fu en ben de twarfu sma. 19A di fu twarfu sori Hasabya. Den manpikin nanga den famiri fu en ben de twarfu sma. 20A di fu tin-na-dri sori Subael. Den manpikin nanga den famiri fu en ben de twarfu sma. 21A di fu tin-na-fo sori Matitya. Den manpikin nanga den famiri fu en ben de twarfu sma. 22A di fu tin-na-feifi sori Yeremot. Den manpikin nanga den famiri fu en ben de twarfu sma. 23A di fu tin-na-siksi sori Hananya. Den manpikin nanga den famiri fu en ben de twarfu sma. 24A di fu tin-na-seibi sori Yosbekasa. Den manpikin nanga den famiri fu en ben de twarfu sma. 25A di fu tin-na-aiti sori Hanani. Den manpikin nanga den famiri fu en ben de twarfu sma. 26A di fu tin-na-neigi sori Maloti. Den manpikin nanga den famiri fu en ben de twarfu sma. 27A di fu tutenti sori Eliata. Den manpikin nanga den famiri fu en ben de twarfu sma. 28A di fu tutenti-na-wan sori Hotir. Den manpikin nanga den famiri fu en ben de twarfu sma. 29A di fu tutenti-na-tu sori Gidalti. Den manpikin nanga den famiri fu en ben de twarfu sma. 30A di fu tutenti-na-dri sori Makasiot. Den manpikin nanga den famiri fu en ben de twarfu sma. 31A di fu tutenti-na-fo sori Romamti-Eser. Den manpikin nanga den famiri fu en ben de twarfu sma.