Sranan Tongo Bible 2016 (STB16)
11

111Trowe yu brede go ini a watra, bika yu o feni en baka, baka wan langa pisten. 2Prati san yu abi nanga seibi noso aiti sma, bika yu no sabi sortu ogri kan psa na grontapu. 3Te wolku span nanga alen, den e lusu en kon na grontapu. Te wan bon fadon, dan a no abi trobi efu na zuidsei noso na noordsei, pe a fadon na drape a e tan didon. 4A gronman di e tan luku a winti nomo noiti o prani, èn a sma di e tan luku den wolku nomo noiti o koti a nyanyan ini en gron. 5Leki fa un no sabi fa libi11:5 Un kan puru a pisi disi so tu: Leki fa yu no sabi pe a winti e wai go. e kon ini wan pikin di de ini a bere fu en m'ma, na so un no sabi den sani tu di Gado, di meki ala sani, e du. 6Sai yu siri te mamanten, èn wroko go miti mofoneti. Bika yu no sabi sortu wan fu den siri o opo, den di fu mamanten noso den di fu mofoneti. A kan tu dati den ala tu opo.

Prisiri ini a libi ma prakseri Gado tu

7A libi na wan prisiri sani, a bun fu si a krin fu dei. 8Dat' meki efu wan sma e libi langa, a mus prisiri en heri libi, ma a mus memre tu dati dede no abi kba. Èn ala san e psa baka te wan sma dede tranga fu ferstan. 9So, yongu sma, un prisiri te un yongu, prisiri nanga yu heri ati ini yu yongu yari. Du san yu ati e firi èn meki den ai fu yu luku san den wani. Ma sabi dati Gado o kari yu kon na frantwortu fu ala den sani dati. 10Sorgu dati sani no e meki yu e sari, èn dati yu no e sikisiki. Bika te yu yongu, ini den yari te yu e gro kon, sani e psa di tranga fu ferstan.