Sranan Tongo Bible 2016 (STB16)
12

A fasi fa wan umasma mus krin ensrefi te a kisi wan pikin

121MASRA taigi Moses taki: 2“Taigi den Israelitisma taki: ‘Efu wan uma kisi wan manpikin, dan seibi dei langa a no sa krin ini Gado ai, neleki te a abi en munsiki. 3Tapu a di fu aiti dei den sa besnei a boi. 4A mama sa teri ete dritenti-na-dri dei, te leki a brudu tapu. Dan fosi a krin trutru. A no sa fasi no wan santa sani. A no sa go tu na a santa presi, te leki a kon krin baka ini Gado ai. 5Efu na wan umapikin a kisi, dan na tu wiki langa a no sa krin ini Gado ai, neleki te a abi en munsiki. A sa teri ete siksitenti-na-siksi dei, te leki a brudu tapu. Dan fosi a krin trutru ini Gado ai.

6Te a uma kon krin, baka di a kisi a manpikin noso a umapikin, a sa tyari wan skapu fu wan yari fu bron leki ofrandi. A sa tyari wan yongu doifi noso wan ston doifi tu leki ofrandi fu kisi pardon fu sondu. A sa tyari den go gi a priester na mofodoro fu a tenti pe yu kan miti nanga Gado. 7A priester sa tyari den leki ofrandi na MASRA fesi, fu meki a kon bun baka nanga Gado. Dan uma sa krin baka ini Gado ai.

Disi na a wèt te wan uma kisi wan pikin. 8Efu a no gudu so fu tyari wan skapu, dan a sa tyari tu stondoifi noso tu yongu doifi kon. Wan sa bron leki wan ofrandi, a trawan na wan ofrandi fu kisi pardon fu sondu. A priester sa meki a kon bun baka nanga Gado, dan a sa krin baka ini Gado ai.’ ”