Sranan Tongo Bible 2016 (STB16)
110

MASRA nanga a kownu fu En

1101Fu David. Wan Psalm.

Na so MASRA taigi mi Masra:

“Kon sidon na Mi let'anu sei,

Mi o poti den feyanti fu yu

leki wan futubangi na yu futu.”

2Fu Sion MASRA e langa a kownutiki fu yu go moro fara,

yu o abi makti abra den feyanti fu yu.

3Sondro dwengi a folku o tnapu klar'klari

te yu o hari go na feti.

Te a dei e broko den moro tranga yonkuman

e opo kon na yu na ini santa krosi.110:3 A Hebrewtekst fu a pisi disi no krin.

4MASRA ben meki wan sweri

èn A no o teki baka san A ben taki.

A ben taki: “Yu na priester fu têgo

na a fasi fu Melkisedek.”

5MASRA tnapu na yu let'anu sei.

Te En ati bron, A e masi den kownu.

6A e leisi strafu gi den folku,

dedeskin e didon tapu makandra

A e broko a makti fu den ala sei na grontapu.

7Te a de na pasi, A e dringi fu a kriki sei a pasi,

dan A e opo En ede.