Masra, sori wi a sari-ati fu Yu

123¹Wan singi di den sma e singi te den e go na Yerusalem.

Mi e opo mi ede luku Yu

di sidon tapu Yu kownusturu na heimel.

²Leki fa a knekti e hori ai tapu a anu fu en basi,

leki fa uma srafu e tan luku a anu fu en misi,

na so wi ai de na tapu MASRA, wi Gado,

te leki A sori wi En bun-ati.

³Sori wi a bun-ati fu Yu MASRA,

sori wi Yu bun-ati,

bika wi no man teki a afrontu moro

di sma e afrontu wi.

⁴A spotu di den gudusma e teki wi meki spotu,

a si di den heimemre sma e si wi leki noti,

furu moro leki wi man tyari.