A ogri ati fu libisma
141Gi a tiriman fu a singigrupu fu a tempel. Fu David.
Don sma e taki:
Gado no de.
Den e du soso ogri nanga groskin sani,
no wan fu den e libi soleki fa a fiti.
2MASRA e luku fu heimel tapu libisma.
A e luku fu si efu wan de di koni,
efu wan de di e suku Gado.
3Den alamala kmopo fu a leti pasi,
den ati pori srefsrefi.
No wan fu den e libi soleki fa a fiti, no wan.
4A gersi leki ala den sma di e du ala sortu ogri no e ferstan sani.
Den e nyan a pipel fu mi leki na brede den e nyan.
MASRA dati den no e begi srefsrefi.
5Den o skreki te fu dede drape,
bika Gado de nanga den sma di bun ini En ai.
6Un kan lafu fu a howpu di den mofinawan abi,
ma na MASRA na den kibripresi.
7Tye, efu ferlusu ben kan kmopo ini Sion gi Israel.
Efu MASRA kenki a fasi fa sani e go nanga en folku,
dan den bakapikin fu Yakob sa breiti, a pipel fu Israel sa prisiri.
A wani fu Gado
151Wan psalm fu David.
MASRA, suma kan tan fu wan pisten ini a tenti fu Yu?
Suma kan go libi tapu a santa bergi fu Yu?
2Dati na a sma tapu san trawan no man sori finga,
di e du san bun ini Gado ai,
di e taki den sani leki fa den de,
3di no e taki takru fu trawan,
di no e du en mati ogri,
èn di no e teki tra sma e meki spotu.
4A sma dati no e luku den sma na wan ai di no warti,
ma a e gi grani na den sma di e lespeki MASRA.
A no e broko en pramisi, awinsi a e tyari lasi gi en,
5a no e leni sma moni dan a e aksi moro leki san a leni a sma,
èn a no e teki moni fu lei na krutu gi wan trawan di no du noti.
Wan sma di e tyari ensrefi so wan fasi, no e fadon noiti.
Bribi nanga howpu
161Wan begi16:1 A Hebrewtongo taki: Miktam. A no krin san a wortu disi wani taki. fu David.
Kibri mi, mi Gado,
bika Yu na mi kibripe.
2Mi taigi MASRA taki:
“Yu na mi MASRA,
ala bun e kon fu Yu.”
3Ma den gado ini a kondre disi,
den makti di misrefi ben e dini,
mi e taigi taki:16:3 A Hebrewtekst fu a pisi disi no krin.
4“Furu sari e wakti den sma di e waka na un baka.”
Mi no e trowe brudu na gron moro gi den leki ofrandi.
Srefi a nen fu den no e kmopo ini mi mofo moro.
5MASRA, Yu na a pisi gron di mi kisi.
Na Yu e gi mi san mi abi fanowdu.
A libi fu mi de na ini Yu anu.
6Mi kisi wan moi pisi gron,
iya, a pisi di mi kisi e gi mi prisiri.
7Mi e prijse MASRA fu den rai di A e gi mi,
srefi neti mi konsensi e taki nanga mi.
8Dorodoro mi e prakseri MASRA.
Mi no sa fadon fu di A tnapu na mi let'sei fu yepi mi.
9Na dat' meki mi ati e prisiri, dat' meki mi breiti,
mi sabi taki noti no kan miti mi.
10Yu no o meki mi dede fosi mi yuru kisi,
Yu no o meki a sma di e tan waka na Yu baka,
go na en grebi.
11Yu o sori mi a pasi go na a libi.
Krosbei na Yu mi abi bogobogo prisiri.
Mi o abi wan switi presi na Yu sei fu têgo.