Wan mamanten begi

3¹Wan psalm fu David, baka di a ben lowe gi en manpikin Absalom.

²Tye MASRA, den feyanti fu mi furu sote,

furu sma e opo fu feti mi.

³Furu e taki:

“Gado no o yepi en.” sela3:3 A no krin san a wortu disi wan taki.

⁴Ma Yu, MASRA, na wan schild di e kibri mi.

Na Yu e gi mi grani,

na Yu e gi mi krakti fu tnapu.

⁵Te mi e kari MASRA trangatranga,

A e piki mi fu a santa bergi fu En. sela

⁶Mi e go didon, mi e fadon na sribi,

èn mi e wiki baka, bika MASRA e kibri mi.

⁷Dat' meki mi no e frede tu,

awinsi dusundusun kon lontu mi.

⁸Du wan sani, MASRA, ferlusu mi, mi Gado!

Naki ala den feyanti fu mi na den seifesi,

broko den tifi fu den ogri-ati sma.

⁹Na MASRA e gi wini,

meki a blesi fu Yu de tapu a pipel fu Yu. sela