Sranan Tongo Bible 2016 (STB16)
43

431Tye mi Gado, meki mi kisi mi leti,

feti gi mi fesi krutu nanga a pipel di no e dini Yu.

Puru mi ini anu fu den di e bedrigi,

èn di e du kruktu.

2Bika Yu de a Gado pe mi kan go kibri,

fu sanede Yu no e luku mi moro?

Fu sanede mi mus sari leki wan sma di e low,

fu di den feyanti fu mi de nomo na mi baka?

3Seni a leti nanga a tru fu Yu,

fu den tiri mi,

fu den tyari mi go na a santa bergi fu Yu,

na a presi pe Yu e tan.

4Dan mi kan go baka na a altari fu Gado,

na Yu, Gado, di e meki mi prisiri srefsrefi,

èn prijse Yu nanga a citer,

tye Gado, mi Gado!

5Fu sanede meki mi e sari so?

Fu sanede meki sani e dangra mi so?

Mi o poti mi howpu tapu Gado,

bika a ten e kon pe mi o prijse En baka,

a Ferlusuman èn Gado fu mi!