Sranan Tongo Bible 2016 (STB16)
67

Wan singi fu gi Gado tangi

671Gi a tiriman fu a singigrupu fu a tempel. A Psalm disi mus singi nanga instrumenti di abi snaar. Wan psalm. Wan Singi.

2Gado, sori wi Yu bun-ati èn blesi wi,

sori wi Yu lobi, sela

3dan den sma fu grontapu kan leri sabi Yu wani,

èn ala folku sa sabi taki Yu e ferlusu.

4Meki den folku prijse Yu Gado,

meki ala den folku prijse Yu.

5Meki den folku breiti èn prisiri,

bika Yu e krutu den tapu wan leti fasi,

na Yu e tiri den kondre fu grontapu. sela

6Meki den folku prijse Yu Gado,

meki ala den folku prijse Yu.

7Nyanyan gro bogobogo ini den pranigron,

Gado, a Gado fu wi, blesi wi.

8Gado blesi wi,

so ala sma na heri grontapu,

sa lespeki En.