Wan begi gi es'esi yepi

70¹Gi a tiriman fu a singigrupu fu a tempel. Fu David. Fu Gado kan memre.

²Tye Gado, kon ferlusu mi es'esi,

tye MASRA, kon es'esi fu yepi mi.

³Meki syen naki den sma di e suku fu kiri mi,

meki taki den no man opo den ede fu syen,

meki den sma di e angri fu ogri miti mi,

hari go nanga baka,

meki den tron spot'popki.

⁴Den di e bari lafu fu mi ede,

mus drai den fesi fu syen.

⁵Ma meki ala sma di e suku Yu

breiti èn abi prisiri.

Meki den wan di e angri fu Yu ferlusu den,

tan taki: “Gado bigi.”

⁶Tye Gado, mi na wan mofinawan èn mi pôti

ma kon yepi mi es'esi,

Yu na mi Yepiman nanga mi Ferlusuman,

tye MASRA, no draidrai fu yepi mi.