Sranan Tongo Bible 2016 (STB16)
1

San Yesus sori Yohanes èn san A taigi en

11Gado sori Yesus Kristus den kibrisani san musu psa her'esi, fu A kan tyari den sani disi kon na krin gi den knekti fu En. Dan Yesus seni En engel fu go sori En knekti Yohanes den sani disi. 2Yohanes skrifi ala sani san a si, a boskopu san kmopo fu Gado, nanga ala sani san Yesus Kristus taki.

3A sma di e leisi a boskopu disi fu Gado gi trawan, na wan blesi sma. Èn den sma di e yere a boskopu èn di e hori densrefi na san skrifi, na blesi sma tu. Bika a ten de krosbei.

4Mi Yohanes e skrifi den seibi gemeente na ini Asia. Mi e winsi unu a bun-ati nanga a freide fu Gado di de, di ben de, èn di sa kon èn fu den seibi Yeye di de na fesi En kownusturu,

1:4
Eks 3:14
Kon na krin 4:5
5èn fu Yesus Kristus, a kotoigi di no e lei, a fosi wan di opo baka na dede nanga a Basi fu ala kownu na grontapu. A lobi wi èn A ferlusu wi, A puru wi na ini wi sondu nanga En brudu.
1:5
Psa 89:28
Yes 55:4
6A meki wi tron wan folku di abi Gado leki den Kownu èn A meki wi tron priester fu Gado En P'pa. Na En mus kisi grani nanga makti fu têgo èn ala ten! Amen.1:6 Amen wani taki: Na so a de.
1:6
Eks 19:6
Kon na krin 5:10

7Luku, A e kon nanga den wolku èn ala sma sa si En, srefi den wan di ben dyuku En na En seibere. Èn ala folku na grontapu sa bari krei te den si En. Iya, amen!

1:7
Dan 7:13
Sak 12:10
Mat 24:30
Mrk 13:26
Luk 21:27
Yoh 19:34,37
1Tes 4:17

8“Mi na a Alfa nanga a Omega.”1:8 Dati wani taki: Mi na a Bigin nanga a Kba. Na so Masra Gado e taki, di de, di ben de, èn di sa kon. Na En abi ala makti.

1:8
Kon na krin 22:13

San Yohanes si na Patmos

9Mi, Yohanes, na wan bribisma leki unu, èn sma e pina mi leki fa den e pina unu. Mi srefi abi Gado leki mi Kownu, èn mi e hori doro leki unu, fu di un de wan ini Yesus. Den poti mi tapu a eilanti Patmos fu di mi ben tyari a wortu fu Gado, èn fu di mi ben kotoigi fu Yesus. 10Tapu a dei fu Masra, a Yeye fu Gado ben de na mi tapu. Dan mi yere wan tranga sten na mi baka, leki a babari fu wan tutu. 11A sten taki: “Skrifi ini wan buku san yu e si, dan yu seni en go na den seibi gemeente di de ini den foto Efese, Smirna, Pergamum, Tiatira, Sardes, Filadelfia, nanga Laodisea.” 12Di mi drai luku fu si suma e taki nanga mi, mi si seibi gowtu tiki di hori olilampu. 13Na mindri den tiki mi si wan Sma. A Sma ben gersi wan mansma. A ben weri wan langa krosi di ben de te na En futu, èn A ben tai wan gowtu banti na En borsu.

1:13
Dan 7:13
10:5
14En edewiwiri ben weti leki katun, a ben weti srefsrefi. Den ai fu En ben de leki faya.
1:14-15
Dan 7:9
10:6
15En futu ben e brenki leki kopro di sma e faya na ini wan onfu, èn En sten ben de leki a babari fu wan bigi sula.
1:15
Ese 1:24
43:2
16A ben abi seibi stari ini En let'anu, èn wan deigri san ben srapu na ala tu sei ben e kmopo na ini En mofo. A fesi fu En ben e brenki leki a son na mindri dei. 17Di mi si En, mi trowe misrefi na gron na En futu, dan mi tan didon leki mi dede. Ma A poti En let'anu na mi tapu dan A taki: “No frede. Mi na a Fosiwan nanga a Kriboiwan.
1:17
Yes 44:6
48:12
Kon na krin 2:8
22:13
18Mi na a Wan di e libi. Mi ben dede, ma luku, now Mi e libi fu têgo. Mi abi den sroto fu Dede nanga Dedekondre.1:18 Dati wani taki: Mi abi makti abra Dede nanga Dedekondre. 19Yu mus skrifi den sani san yu ben si, den sani san e psa now, nanga den sani san o psa bakaten. 20Mi o taigi yu san den kibritori wani taki, a wan fu den seibi stari san yu si na ini Mi let'anu, nanga a wan fu den seibi gowtu tiki di hori den olilampu: Den seibi stari na den seibi engel fu den seibi gemeente. Den seibi gowtu tiki na den seibi gemeente.”

2

A boskopu gi Efese

21“Skrifi a engel fu a gemeente na Efese taki:

Disi na san a Wan e taki di e hori den seibi stari na ini En let'anu, èn di e waka mindri den seibi gowtu tiki di hori den olilampu: 2Mi sabi den sani san un e du, a muiti san un e meki, nanga a fasi fa un e hori doro. Mi sabi taki un no e koti nanga den sma di e du ogri. Un ben tesi den sma di e kari densrefi boskopuman fu Mi, ma un kon si taki den e lei. Den a no boskopuman fu Mi. 3Fu Mi ede un hori doro èn teki ala sortu pina, ma un no lasi ati. 4Ma san Mi no feni bun fu unu, na taki un lasi a fosi lobi san un ben abi gi Mi. 5Un mus prakseri o fara un ben de fosi un fadon. Dat' meki un mus drai un libi èn du den sani baka san un ben du fosi. Ma efu un no du dati, efu un no drai un libi, Mi o kon puru a tiki fu unu di hori den olilampu, na en presi. 6San Mi feni bun fu unu, na taki neleki Mi, un no lobi den sani kwet'kweti san den sma e du di e hori na a leri fu Nikolaus.

7Suma abi yesi, meki a yere san a Yeye e taigi den gemeente. A sma di e wini, Mi sa gi fu nyan fu a bon san e gi libi di de ini a paradeis fu Gado.”

2:7
Gen 2:9
Kon na krin 22:2

A boskopu gi Smirna

8“Skrifi a engel fu a gemeente na Smirna taki:

Disi na san a Wan e taki, di de a Fosiwan nanga a Kriboiwan, a Wan di ben dede èn di kon baka na libi:

2:8
Yes 44:6
48:12
Kon na krin 1:17
22:13
9Mi sabi fa sma e pina unu. Mi sabi fa un pôti, ma un gudu. Mi sabi fa den wan di e kari densrefi Dyusma, e taki takru fu unu. Ma den a no Dyusma, den na sma fu Satan. 10Un no mus frede fu a pina san un mus nyan. Luku, didibri sa poti sonwan fu unu na ini straf'oso fu tesi unu. Tin dei langa den o pina unu. Ma un mus tan bribi te dede, dan Mi sa gi un a libi fu têgo, leki a grani fu di un wini.

11Suma abi yesi, meki a yere san a Yeye e taigi den gemeente. A sma di e wini no sa si dede fu a di fu tu leisi.”

2:11
Kon na krin 20:14
21:8

A boskopu gi Pergamum

12“Skrifi a engel fu a gemeente na Pergamum taki:

Disi na san a Wan e taki di abi a deigri di srapu na ala tu sei: 13Mi sabi taki un e libi na ini a foto pe didibri e rigeri, èn taki un tan hori na Mi. Un no drai un baka gi a bribi san un abi na ini Mi, aladi den ben kiri Antipas, a trutru kotoigi fu Mi ini a foto fu unu pe Satan e rigeri. 14Ma san Mi no feni bun fu unu na disi: Wantu sma de na un mindri di e hori densrefi na a leri fu Bileam, di ben leri Balak fa fu kori den sma fu Israel fu den nyan afkodrei nyanyan, èn fu den gi densrefi abra na takru lostu.

2:14
Nom 22:5-7
25:1-3
31:16
Deu 23:4
15Wantu sma de na un mindri tu di e hori densrefi na a leri fu Nikolaus. 16Un mus drai un libi. Ma efu un no wani, dan Mi sa kon her'esi drape èn Mi sa feti nanga den sma dati nanga a deigri san e kmopo ini Mi mofo.

17Suma abi yesi, meki a yere san a Yeye e taigi den gemeente. A sma di e wini, Mi sa gi en fu nyan fu a mana2:17 Mana na a nyanyan fu heimel san Gado ben gi den sma fu Israel fu nyan di den ben e waka lontu ini a dreisabana. san kibri. Èn Mi sa gi en wan weti ston nanga wan nyun nen na en tapu, san no wan sma sabi boiti a sma di kisi en.”

2:17 a
Eks 16:14-15
16:33-34
Yoh 6:48-51

A boskopu gi Tiatira

18“Skrifi a engel fu a gemeente na Tiatira taki:

Disi na san a Manpikin fu Gado e taki, di abi ai san de leki faya, nanga futu san e brenki leki kopro: 19Mi sabi san un e du. Mi sabi a lobi nanga a bribi fu unu, èn Mi sabi fa un e yepi trawan. Mi sabi tu fa un e hori doro, èn Mi sabi taki san un e du now bigi moro den sani san un ben du fosi. 20Ma san Mi no feni bun fu unu, na taki un e meki a uma Isebel du san a wani. A e kari ensrefi wan profeiti, ma a e leri èn kori den knekti fu Mi fu den gi densrefi abra na takru lostu èn fu den nyan afkodrei nyanyan.

2:20
1Kow 16:31
2Kow 9:22,30
21Mi ben gi en ten fu drai en libi, ma a no wani libi den takru lostu fu en. 22Luku, Mi o poti en didon na tapu sikibedi. Mi o meki den sma di e huru nanga en kon na ini bigi pina, efu den no e drai den libi èn libi den sani san a leri den. 23Mi o kiri den pikin fu en. Dan ala den gemeente sa si taki na Mi e ondrosuku den prakseri nanga a ati fu wan libisma. Mi o pai ibri sma fu den sani san a du.
2:23
Psa 7:10
62:13
Yer 17:10
24Ma un trawan di de na ini Tiatira. Un no e hori na a leri fu Isebel, èn un no sabi not'noti fu san den bakaman fu en e kari den dipidipi sani fu Satan. Dat' meki Mi no o poti no wan tra sani na un tapu. 25Ma un mus hori tranga na a leri san un abi te leki Mi kon.

26A sma di e wini èn di e tan du den sani fu Mi te na a kba, Mi sa gi makti tapu den sma di no sabi Gado.

2:26-27
Psa 2:8-9
27A sa tiri den nanga wan isri tiki, èn a sa naki den broko leki wan prapi. 28Disi na a srefi makti san Mi ben kisi fu Mi P'pa. Èn Mi sa gi a sma a mamanten-stari. 29Suma abi yesi, meki a yere san a Yeye e taigi den gemeente.”