Sranan Tongo Bible 2016 (STB16)
17

A bigi motyo di sidon na tapu wan meti

171Dan wan fu den seibi engel di ben abi den seibi skarki, kon na mi. A taigi mi taki: “Kon, dan mi sa sori yu fa Gado o krutu a bigi motyo, di e sidon krosbei fu furu liba.

17:1
Yer 51:13
2Nanga a bigi motyo disi den kownu fu grontapu ben e motyo, èn a win fu den takru lostu fu en ben drungu den sma di e libi na grontapu.”
17:2
Yes 23:17
Yer 51:7
3Dan a Yeye fu Gado kon na mi tapu, èn a engel tyari mi go ini wan dreisabana. Drape mi si wan uma sidon tapu wan redi meti. A meti disi ben abi seibi ede nanga tin tutu. Tapu en heri skin sani ben skrifi san e afrontu Gado.
17:3
Kon na krin 13:1
4A uma ben weri dungru lila nanga redi krosi, èn a ben weri bun furu gowtu sani, diri ston nanga parelkrara. Ini en anu a ben hori wan gowtu kan san ben lai nanga groskin sani èn nanga a syen fu den takru lostu fu en.
17:4
Yer 51:7
5Wan nen ben skrifi na en fes'ede san de wan kibritori. A skrifi taki: “A bigi foto Babilon. A mama fu ala motyo nanga ala groskin sani fu grontapu.” 6Dan mi si taki a uma ben drungu fu a brudu fu den sma fu Gado, èn fu a brudu fu den sma di kotoigi fu Yesus. Di mi si en, mi ben ferwondru srefsrefi. 7Dan a engel aksi mi taki: “Fu sanede yu ferwondru? Mi sa taigi yu san na a kibritori fu a uma nanga a meti tapu san a e sidon, a meti nanga den seibi ede nanga den tin tutu. 8A meti san yu si ben de na libi, ma now a dede. Ma a sa opo kmopo ini a olo san no abi gron fu kisi en strafu fu têgo. Den sma di e libi na grontapu sa ferwondru te den si a meti, bika a ben e libi, èn a ben dede now, ma a e libi baka. Ala den sma di nen no skrifi ini a buku fu libi sensi bifo grontapu ben meki, na den sa ferwondru.
17:8
Dan 7:7
Psa 69:29
Kon na krin 11:7

9Wan sma mus abi koni fu ferstan a sani disi: Den seibi ede na seibi bergi tapu san a uma e sidon. 10Den seibi ede na seibi kownu tu. Feifi fu den no de moro, wan fu den de kownu now, èn a trawan mus tron kownu ete. Te a kon, a sa rigeri fu wan syatu pisten nomo. 11A meti san ben libi, ma di dede now, na wan kownu tu, a di fu aiti. A de wan nanga den seibi trawan, èn a o kisi en strafu fu têgo. 12Den tin tutu san yu si, na den tin kownu di no e rigeri ete leki kownu. Ma den o kisi makti fu rigeri leki kownu fu wan syatu pisten makandra nanga a meti.

17:12
Dan 7:24
13Ala den tin kownu disi abi a srefi prakseri, èn den o gi a meti a makti fu den nanga a leti san den abi fu rigeri. 14Den o feti nanga a Lam, ma a Lam o wini den, bika En na Masra fu ala masra, nanga Kownu fu ala kownu. Den sma di e waka na En baka, na den sma di Gado ben kari èn teki gi Ensrefi, èn di e tan bribi ini En.” 15Dan a engel taigi mi moro fara taki: “Den furu liba san yu ben si krosbei pe a motyo sidon, na den folku. Den na a bigi grupu sma di e taki ala sortu tongo ini den difrenti kondre. 16Den tin tutu san yu si, nanga a meti, den no o man si a motyo na ai. Den o puru ala sani san a abi, èn den o poti en nanga sososkin. Den o nyan en meti, èn den o bron en nanga faya. 17Bika Gado poti en ini den prakseri fu du san En wani. Leki wan man den o gi a makti fu den na a meti, te leki den sani san Gado ben taki kon psa. 18A uma di yu ben si, na a bigi foto san abi makti abra ala den kownu fu grontapu.”

18

Babilon fadon

181Baka dati mi si wan tra engel e saka kmopo fu heimel. A engel disi ben abi bigi makti, èn a brenki di a ben e brenki, ben e krin heri grontapu. 2Ne a bari nanga tranga sten taki: “A fadon! A bigi foto Babilon fadon! Now a tron wan nesi fu den didibri, nanga wan kibripresi fu ala den takruyeye. A tron wan tanpresi fu tingifowru nanga ala den sortu fowru disi san sma no wani srefsrefi.

18:2 a
Yes 21:9
Yer 51:8
Kon na krin 14:8
3Bika a ben drungu ala den folku nanga a win fu den faya takru lostu fu en. Den kownu fu grontapu ben motyo nanga en, èn den bai nanga seriman fu grontapu ben kon gudu fu di a ben gridi fu abi furu diri sani.”
18:3
Yes 23:17
Yer 51:7

4Dan mi yere wan tra sten taki kmopo fu heimel taki: “Mi folku, un kmopo na ini Babilon, fu un no teki prati ini den sondu fu en, èn fu un no kisi den strafu fu en.

18:4
Yes 48:20
Yer 50:8
51:6,45
5Bika den sondu fu en kon so furu tak' den doro te na heimel, èn Gado memre den ogri sani san a du.
18:5
Gen 18:20-21
Yer 51:9
6Du nanga en soleki fa a ben du nanga trawan. Den sani san a ben du, yu mus du tu tron moro furu nanga en. Yu mus meki a win san de ini a kan fu en, a win san a ben gi trawan fu dringi, tu tron moro tranga fu ensrefi dringi.
18:6
Psa 137:8
Yer 50:29
7Na a fasi fa a ben opo ensrefi èn libi bigi, na sowan fasi yu mus pai en baka nanga pina èn sari. Bika a e taki na ini en ati taki: ‘Mi e sidon na tapu a kownusturu e rigeri. Mi no de leki wan uma di masra dede kba, èn mi no o sabi san na row.’
18:7-8
Yes 47:7-9
8Na dat' meki ala den strafu fu en o kon tapu wán dei: siki, sari nanga angriten. A o bron nanga faya, bika Masra Gado di krutu en, abi bigi makti.”

9Den kownu fu grontapu di ben motyo nanga en, èn di ben libi bigi nanga en, o krei. Den o dyeme fu en ede te den si a smoko fu a faya san e bron en.

18:9-10
Ese 26:16-17
10Den o tan farawe fu en, fu di den e frede fu a pina san miti en, èn den o taki: “Sari, sari gi a bigi foto Babilon! Sari gi a foto di ben abi sowan makti! Bika ini wan syatu pisten yu kisi yu strafu.” 11Den bai nanga seriman fu grontapu o krei èn sari fu en ede, bika sma no e bai den lai fu den moro:
18:11-19
Ese 27:25-36
12sani soleki gowtu, solfru, diri ston nanga parelkrara, ala sortu moi diri krosi nanga ala sortu udu san e smeri switi. Den no e bai den sani san meki fu asaw tifi nanga diri udu, nanga den sani san meki fu kopro, isri nanga marmer. 13Sma no e bai kaneri, spesrei, switismeri, mirre nanga wierook, win, oli, blon, nanga tarwe tu.18:13 Tarwe na wan sani nanga san den e meki blon. Den no e bai buriki, skapu, asi nanga asiwagi moro. Èn den man di e bai èn seri sani no man seri libisma leki srafu moro. 14Den o taki: “Babilon, yu lasi ala den bun sani san yu ben angri fu kisi. Ala den moimoi diri sani fu yu, yu lasi den, èn noiti moro yu o feni den.” 15Den bai nanga seriman di ben seri den sani disi èn di kon gudu fu Babilon, o tan tnapu farawe fu di den e frede a pina san miti en. Den o krei, den o sari, 16èn den o taki: “Sari, sari gi a bigi foto! A ben de leki wan umasma di e weri moi diri krosi nanga gowtu sani, diri ston nanga parelkrara. 17Ma ini wan syatu pisten a bigi gudu disi lasi gwe.”
18:17
Yes 23:14

Ibri kapten fu sipi, ibri matrosi, den tra sma di de na tapu den sipi, nanga den sma di e feni den deibrede na tapu se, den alamala o tan tnapu farawe. 18Te den o si a smoko fu a faya san e bron a foto, den o bari taki: “No wan foto ben bigi leki Babilon!”

18:18
Ese 27:32
19Dan den o bigin sari èn krei. Den o fringi santi go na tapu den ede fu sori taki den e sari. Den o bari taki: “Sari, sari gi a bigi foto! Bika ini wan syatu pisten a foto broko. Ala den sma di ben abi sipi na tapu se ben kon gudu doro den gudu fu en.” 20Unu di de na ini heimel, un prisiri fu en ede. Un prisiri tu, sma fu Gado, boskopuman fu Yesus, nanga profeiti. Bika Gado strafu Babilon fu a sani san a ben du nanga unu.
18:20
Deu 32:43
Yer 51:48

21Dan wan tranga engel teki wan bigi ston san ben gersi a ston nanga san den e mara tarwe, dan a fringi en go na ini se. A taki: “Na so den o fringi a bigi foto Babilon trowe, èn noiti moro a sa opo baka.

18:21
Yer 51:63-64
Ese 26:21

22Noiti moro poku sa de fu yere ini yu Babilon,

no wan sma di e prei gitara,

no wan sma di e singi,

no wan sma di e prei froiti

noso sma di e bro tutu.

No wan bun wrokoman o de fu feni moro,

èn no wan miri o de fu yere moro na ini Babilon.

18:22-23
Yes 24:8
Yer 7:34
25:10
Ese 26:13

23A faya fu lampu no o de fu si moro ini yu,

èn no wan trowfesa o de moro.

Bika na den bai nanga seriman fu yu

ben de den bigiman fu grontapu.

Yu ben kori ala folku tu

nanga a tofruwroko di yu du.

24Na Babilon de frantwortu fu a dede fu den profeiti, nanga den sma fu Gado, nanga ala den tra sma di den kiri na grontapu.”
18:24
Yer 51:49
19

Wan singi fu di Babilon fadon

191Baka dati mi yere wan heri ipi sma na ini heimel e taki: “Haleluya!19:1 Haleluya wani taki: prijse Masra. Na wi Gado ferlusu wi. Na En mus kisi glori. Na En abi makti. 2Bika A e koti krutu nanga leti èn A no e meki fowtu. A strafu a bigi motyo di ben pori grontapu nanga den takru lostu fu en èn A meki a pai fu den knekti fu En di a kiri.”

19:2
Deu 32:43
2Kow 9:7
3Dan a bigi ipi sma bari ete wan leisi: “Haleluya! A smoko fu a foto o de fu si fu têgo èn ala ten.”
19:3
Yes 34:10
4Dan den tutenti-na-fo fesiman nanga den fo libilibi sani fadon tapu den kindi èn den anbegi Gado di e sidon na tapu a kownusturu. Den taki: “Amen, haleluya!” 5Dan wan sten taki kmopo fu a kownusturu taki: “Prijse wi Gado, un ala di e dini En nanga unu di e lespeki En, pikinwan nanga bigiwan!”
19:5
Psa 115:13

A trow fu a Lam

6Dan mi yere wan sani san ben gersi a sten fu wan heri ipi sma. A ben gersi a babari fu wan bigi sula, nanga a bigi babari fu dondru. A taki: “Haleluya! Bika Masra wi Gado di abi Ala Makti, A e rigeri now leki kownu.

19:6 a
Ese 1:24
7Kon meki wi breiti èn prisiri, meki wi gi En glori. Bika a trowdei fu a Lam doro kba èn a trowmisi fu En meki ensrefi klari. 8Den gi en weti linnen krosi fu weri, krosi san krin èn san e brenki.” Bika a weti linnen krosi na den bun wroko fu den sma fu Gado.

9Dan a engel taigi mi taki: “Skrifi a sani disi: Ala den sma di kisi kari fu kon na a trowfesa fu a Lam, na blesi sma.” A taigi mi moro fara taki: “Den tru wortu disi kmopo fu Gado.”

19:9
Mat 22:2-3
10Dan mi fadon tapu mi kindi fesi a engel fu anbegi en. Ma a taigi mi taki: “No du a sani disi! Mi na wan knekti, neleki yu nanga den tra sma di e tan hori na den sani san Yesus taki. Na Gado yu mus anbegi! Bika ala den sani san Yesus taki, na den sani san a Yeye fu Gado ben gi den profeiti fu den taki.”

A Wan di e sidon tapu a weti asi

11Baka dati mi luku, dan mi si taki heimel opo. Ne mi si wan weti asi. A Wan di sidon na tapu a asi, den e kari: “A Wan di yu kan fertrow, a Wan di no e lei.” Tapu wan leti fasi A e krutu den feyanti fu En èn A e feti nanga den.

19:11 a
Ese 1:1
12Den ai fu En ben de leki faya, èn tapu en ede A ben weri furu kroon. Wan nen ben skrifi na En tapu san En wawan sabi.
19:12
Dan 10:6
13A ben weri wan krosi san ben dopu na ini brudu, èn En nen na: “A Wortu fu Gado.” 14Den legre san de na heimel ben rei na En baka na tapu weti asi, èn den ben weri krin weti linnen krosi. 15Wan srapu deigri ben e kmopo ini en mofo. Nanga dati A o wini den sma di no sabi Gado, èn A o tiri den nanga wan isri tiki. Neleki fa sma e stampu droifi ini wan baki fu meki win, na so A o stampu den folku ini a baki fu a faya atibron fu Gado di abi Ala Makti.
19:15 a
Psa 2:9
16A sani san skrifi na tapu En krosi èn na tapu En bowtu na: “Kownu fu ala kownu, nanga Masra fu ala masra.”

A meti nanga en profeiti lasi a feti

17Dan mi si wan engel tnapu na tapu a son. A bari nanga tranga sten gi ala den tingifowru di e frei bun hei na loktu taki: “Un kon! Un kon na a bigi fesa san Gado e gi unu.

19:17-18
Ese 39:17-20
18Un kon nyan a meti fu kownu, fu legre-edeman nanga fu srudati. Un kon nyan a meti fu asi nanga den sma di e rei na den tapu, nanga a meti fu ala den tra sma: fri sma nanga srafu, pikinwan nanga bigiwan.”

19Dan mi si a meti san ben kmopo ini a se, nanga den kownu fu grontapu nanga den legre fu den. Den ben kon makandra fu feti nanga a Wan di sidon na tapu a asi, èn nanga a legre fu En. 20Dan den kisi a meti nanga a falsi profeiti, di ben du den marki leti na en fesi. Nanga den marki dati a ben kori den sma di ben abi a marki fu a meti, èn di ben anbegi a bigi popki fu en. Libilibi den fringi den go ini a swampu di abi soso faya èn san e bron nanga kroiti.

19:20
Kon na krin 13:1-18
21Ala den trawan di ben feti gi den kon lasi den libi. A deigri san e kmopo ini a mofo fu a Wan di sidon na tapu a asi, kiri den. Dan ala den fowru nyan a meti fu den span den bere.