Masmur 141

Duh GUSTI, kula sambat marang Panjenengan,

kula supaya Panjenengan tekani,

supaya ngrungokké swara kula yèn kula sambat marang Panjenengan.

₂Pandonga kula supaya dadia kaya kurban dupa wangi kanggo Panjenengan,

lan tangan kula sing kula unggahké dadia kaya pisungsung kurban ing wantyi soré.

₃Duh GUSTI, Panjenengan supaya ngawat-awati tutuk kula,

lawangé lambé kula supaya Panjenengan jaga.

₄Ati kula supaya aja Panjenengan tujokké marang ala,

supaya aja nganti nindakké penggawé sing duraka,

bareng karo wong sing nandangi ala,

lan kula aja nganti ngrasaké pangané sing énak-énak.

₅Yèn wong bener nggepuk kula, kuwi katrésnan;

lan yèn ngukum aku, dadi balsem ing sirah kula.

Tenan kula tansah ndedonga nglawan penggawéané wong ala.

₆Yèn wong-wong iki dipasrahké marang para rèkter,

mesti bakal krungu, yèn tembung kula kuwi betyik.

₇Kaya watu sing disigar lan diremuk ing lemah,

mengkono uga balung-balungé pada pating slebar ing bolongané ndonyané wong mati.

₈Awit GUSTI, Gusti Allah kula, mripat kula nyawang marang Panjenengan,

kula ndelik marang Panjenengan,

Panjenengan aja nganti mbanting kula.

₉Panjenengan supaya gelem ngayomi kula aja nganti kenèng karo jiret,

sing dipasang kanggo kula, karo jireté wong sing nindakké ala.

₁₀Wong duraka pada bakal tiba bareng karo jaringé déwé,

nanging kula bisa ngontyati.