Lees verschillende vertalingenLees verschillende vertalingen
Vergelijk verschillende vertalingenVergelijk verschillende vertalingen
Maak uw notitiesMaak uw notities
Kopieer en markeer BijbeltekstenKopieer en markeer Bijbelteksten
Uitproberen
Psalm 54
Wan begi fu yepi
1Gi a tiriman fu a singigrupu fu a tempel. A psalm disi mus singi nanga instrumenti di abi snaar. Wan singi fu David di mus leri wi wan sani. 2A singi disi singi baka di den Sifitisma ben go taigi Saul taki: “Yu no sabi taki David e kibri na unu?”
3Tye Gado, mi e begi Yu fu Yusrefi ferlusu mi.
Yu abi a makti fu krutu a tori fu mi na tapu wan leti fasi.
4Tye Gado, yere mi begi,
kaka Yu yesi gi san mi e taki.
5Bika sma di mi no sabi srefsrefi e feti mi,
man di e du sani nanga tranga wani kiri mi.
Den e meki leki Gado no de. sela
6Luku, na Gado e yepi mi,
na MASRA e hori mi na libi.
7A o meki a ogri fu mi feyanti drai go na densrefi baka.
Masra, mi sabi taki mi kan bow na Yu tapu.
Puru den na pasi!
8Dan mi sa tyari ofrandi gi Yu nanga wan fri wani.
MASRA, mi sa prijse Yu nen.
Bika Yu bun.
9Bika na Yu ferlusu mi puru na ini ala mi benawtu.
