Dag 137 van 365- 1 Kronieken 1-3 en Johannes 5:24-47

₁Adam, Set, Enos, ₂Kenan, Mahalalel, Yered, ₃Henok, Metuselak, Lamek, ₄Noa, Sem, Ham nanga Yafet.

₅Den bakapikin fu Yafet ben de: Gomer, Magog, Madai, Yawan, Tubal, Mesek nanga Tiras. ₆Den bakapikin fu Gomer ben de: Askenas, Difat, Togarma. ₇Den bakapikin fu Yawan ben de: Elisa, Tarsis, den Kititisma nanga den Rodanitisma.

₈Den bakapikin fu Ham ben de: Kus, Misraim, Put nanga Kanaan. ₉Den bakapikin fu Kus ben de: Seba, Hawila, Sabta, Rama nanga Sabteka. Den bakapikin fu Rama ben de Seba nanga Dedan. ₁₀Kus kisi wan manpikin tu di den kari Nimrod. Nimrod tron a fosi sma na grontapu di ben abi makti. ₁₁Den bakapikin fu Misraim ben de: den Luditisma, den Anamitisma, den Lehabitisma, den Naftukitisma, ₁₂den Patrusitisma, den Kaslukitisma di ben de a rutu fu den Filistijnsma, nanga den Kaftoritisma. ₁₃Kanaan ben de a p'pa fu Sidon, en fosi manpikin, nanga fu Het. ₁₄Kanaan ben abi leki bakapikin tu: den Yebusitisma, den Amoritisma, den Girgasitisma, ₁₅den Hiwitisma, den Arkitisma, den Sinitisma, ₁₆den Arwaditisma, den Semaritisma nanga den Hamatitisma.

₁₇Den bakapikin fu Sem ben de: Elam, Asur, Arpaksad, Lud, Aram, Us, Hul, Geter nanga Mesek. ₁₈Arpaksad ben de a p'pa fu Sela, Sela ben de a p'pa fu Eber. ₁₉Eber meki tu manpikin. A wan a kari Peleg, bika ini a ten dati libisma panya densrefi na grontapu. A trawan a kari Yoktan. ₂₀Den bakapikin fu Yoktan ben de: Almodad, Selef, Hasarmawet, Yerak, ₂₁Hadoram, Usal, Dikla, ₂₂Ebal, Abimael, Seba, ₂₃Ofir, Hawila nanga Yobab. Den alamala ben de bakapikin fu Yoktan.

₂₄Den bakapikin fu Sem go miti Abraham ben de: Arpaksad, Sela, ₂₅Eber, Peleg, Rehu ₂₆Serug, Nakor, Terak ₂₇Abram, di wi sabi tu leki Abraham.

₂₈Den manpikin fu Abraham ben de Isak nanga Ismael.

₂₉Den manpikin fu Ismael ben de: Nebayot, leki fosiwan, dan yu ben e kisi: Kedar, Adbeel, Mibsam, ₃₀Misma, Duma, Masa, Hadad, Tema, ₃₁Yetur, Nafis nanga Kedema. Den alamala ben de manpikin fu Ismael.

₃₂Den manpikin di Abraham meki nanga Ketura, a uma nanga san a ben e libi tu, ben de: Simran, Yoksan, Medan, Midyan, Yisbak nanga Suak. Den manpikin fu Yoksan ben de Seba nanga Dedan. ₃₃Den manpikin fu Midyan ben de: Efa, Efer, Hanok, Abida nanga Eldaa. Den alamala ben de bakapikin fu Ketura.

₃₄Abraham ben abi Isak tu. Den manpikin fu Isak ben de Esau nanga Israel. ₃₅Den manpikin fu Esau ben de: Elifas, Rehuel, Yehus, Yalam nanga Korak. ₃₆Den manpikin fu Elifas ben de: Teman, Omar, Sefi, Gatam, Kenas, Timna nanga Amalek. ₃₇Den manpikin fu Rehuel ben de: Nakat, Serak, Sama nanga Misa.

₃₈Den manpikin fu Seir ben de: Lotan, Sobal, Sibon, Ana, Dison, Eser nanga Disan. ₃₉Den manpikin fu Lotan ben de: Hori nanga Homam. Lotan ben abi wan sisa di ben nen Timna. ₄₀Den manpikin fu Sobal ben de: Alyan, Manakat, Ebal, Sefi nanga Onam. Den manpikin fu Sibon ben de Aya nanga Ana. ₄₁A manpikin fu Ana ben de Dison. Den manpikin fu Dison ben de: Hamran, Esban, Yitran nanga Keran. ₄₂Den manpikin fu Eser ben de: Bilhan, Saawan nanga Yaakan. Den manpikin fu Disan ben de Us nanga Aran.

₄₃Fosi den Israelitisma ben abi wan kownu, den Edomitisma ben abi kownu kba di ben e tiri den: a fosiwan ben de Bela, a manpikin fu Beor. A foto pe a ben e tan ben nen Dinhaba. ₄₄Di Bela dede, Yobab fu Bosra teki en presi leki kownu. A ben de a manpikin fu Serak. ₄₅Di Yobab dede, Husam fu a kondre fu den Temanitisma, teki en presi leki kownu. ₄₆Di Husam dede, Hadad, a manpikin fu Bedad, teki en presi leki kownu. Na en ben wini den Midyanitisma ini a wei fu Moab. A foto fu pe a ben e tan ben nen Awit. ₄₇Di Hadad dede, Samla fu Masreka, teki en presi leki kownu. ₄₈Di Samla dede, Saul fu Rekobot na a Eufratliba, teki en presi leki kownu. ₄₉Di Saul dede, Baal-Hanan, a manpikin fu Akbor, teki en presi leki kownu. ₅₀Di Baal-Hanan dede, Hadad teki en presi leki kownu. A foto pe a ben e tan ben nen Pai. A uma fu en ben nen Mehetabel. A ben de a umapikin fu Matred nanga granpikin fu Me-Sahab. ₅₁Di Hadad dede, den edeman fu den lo fu den Edomitisma ben de: Timna, Alya, Yetet, ₅₂Oholibama, Ela, Pinon, ₅₃Kenas, Teman, Mibsar, ₅₄Magdiyel nanga Iram. Den ben de den edeman fu den lo fu Edom.

₁Disi na den manpikin fu Israel: Ruben, Simeon, Lefi, Yuda, Isakar, Sebulon, ₂Dan, Yosef, Benyamin, Naftali, Gad nanga Aser.

₃Den manpikin fu Yuda ben de: Er, Onan nanga Sela. A ben meki den dri pikin disi nanga a umapikin fu Sua fu Kanaan. Ma MASRA ben kiri Er, a fosi manpikin fu Yuda, fu di a no ben libi srefsrefi leki fa MASRA wani. ₄Yuda meki tu manpikin tu nanga Tamar, a uma fu a boi fu en di ben dede. Den nen fu den boi ben de Peres nanga Serak. Ala nanga ala Yuda ben abi feifi manpikin. ₅Den manpikin fu Peres ben de Hesron nanga Hamul. ₆Serak ben abi feifi manpikin: Simri, Etan, Heman, Kalkol nanga Dera.

₇A manpikin fu Karmi ben de Akar. Na Akar ben meki a bigi ongoloku miti Israel, fu di a ben fufuru sani di ben de spesrutu gi MASRA. ₈A manpikin fu Etan ben de Asarya.

₉Den manpikin fu Hesron ben de: Yerakmeel, Ram nanga Kelubai. ₁₀Ram ben de a p'pa fu Aminadab. Aminadab ben de a p'pa fu Nakson, a tiriman fu a lo fu Yuda. ₁₁Nakson ben de a p'pa fu Salma. Salma ben de a p'pa fu Boas. ₁₂Boas ben de a p'pa fu Obed. Obed ben de a p'pa fu Isai. ₁₃Isai ben de a p'pa fu Eliab, en fosi manpikin. A di fu tu ben de Abinadab èn Sima ben de a di fu dri. ₁₄A di fu fo ben de Netanel, a di fu feifi Radai, ₁₅a di fu siksi ben de Osem èn David ben de a di fu seibi. ₁₆Den sisa fu den ben de Seruya nanga Abigail. Seruya ben abi dri manpikin: Abisai, Yoab nanga Asael. ₁₇Abigail ben de a m'ma fu Amasa. A p'pa fu Amasa ben de a Ismaelitiman Yeter.

₁₈Kaleb, a manpikin fu Hesron, kisi wan umapikin nanga en uma Asuba, di den kari Yeriot. Den manpikin fu en ben de: Yeser, Sobab nanga Ardon. ₁₉Di Asuba dede, Kaleb teki Efrat leki en uma. A uma dati meki Hur gi en. ₂₀Hur ben de a p'pa fu Uri èn Uri ben de a p'pa fu Besaleyel.

₂₁Di Hesron ben abi siksitenti yari, a teki wan fu den umapikin fu Makir, a p'pa fu Gilead, leki uma. A uma dati meki wan boi gi en di den kari Segub. ₂₂Segub ben de a p'pa fu Yair. Yair ben abi tutenti-na-dri dorpu ini a kondre Gilead. ₂₃Ma den kondre Gesur nanga Aram ben teki den dorpu fu Yair abra makandra nanga Kenat nanga den dorpu fu en. Ala nanga ala den teki siksitenti dorpu abra di ben de fu Makir, a p'pa fu Gilead.

₂₄A uma fu Hesron ben de Abia. Baka di Hesron dede Kaleb nanga Efrat kisi wan boi di den kari Askur. Na en bow a foto Tekoa.

₂₅Den manpikin fu Yerakmeel, a fosi manpikin fu Hesron, ben de: Ram, a fosiwan, dan yu ben e kisi Buna, Oren, Osem nanga Akia. ₂₆Ma Yerakmeel ben abi wan tra uma ete di ben nen Atara. En ben de a m'ma fu Onam. ₂₇Den manpikin fu Ram, a fosi manpikin fu Yerakmeel, ben de: Maas, Yamin nanga Eker. ₂₈Den manpikin fu Onam ben de Samai nanga Yada. Den manpikin fu Samai ben de Nadab nanga Abisur. ₂₉A uma fu Abisur ben nen Abihail. Den pikin di a meki gi Abisur ben de Akban nanga Molid. ₃₀Den manpikin fu Nadab ben de Seled nanga Apaim. Seled dede sondro fu kisi pikin. ₃₁Apaim ben de a p'pa fu Yisi. Yisi ben de a p'pa fu Sesan. Sesan ben de a p'pa fu Aklai. ₃₂Den manpikin fu Yada, a brada fu Samai, ben de Yeter nanga Yonatan. Yeter dede sondro fu kisi pikin. ₃₃Den manpikin fu Yonatan ben de Pelet nanga Sasa. Den alamala ben de bakapikin fu Yerakmeel. ₃₄Sesan no ben abi manpikin. A ben abi soso umapikin. A ben abi wan knekti fu Egipte di ben nen Yarka. ₃₅Dan Sesan gi wan fu den umapikin fu en leki frow na en knekti Yarka. A uma meki wan boi di den kari Atai. ₃₆Atai ben de a p'pa fu Natan èn Natan ben de a p'pa fu Sabad. ₃₇Sabad ben de a p'pa fu Eflal èn Eflal ben de a p'pa fu Obed. ₃₈Obed ben de a p'pa fu Yehu èn Yehu ben de a p'pa fu Asarya. ₃₉Asarya ben de a p'pa fu Heles èn Heles ben de a p'pa fu Elasa, ₄₀Elasa ben de a p'pa fu Sisemai èn Sisemai ben de a p'pa fu Salum, ₄₁Salum ben de a p'pa fu Yekamya èn Yekamya ben de a p'pa fu Elisama.

₄₂A fosi manpikin fu Kaleb, a brada fu Yerakmeel, ben de Mesa. Na en bow a foto Sif. Maresa bow Hebron. ₄₃Den manpikin fu Hebron ben de: Korak, Tapua, Rekem nanga Sema. ₄₄Sema ben de a p'pa fu Rakam, di bow a foto Yorkeam, èn Rekem ben de a p'pa fu Samai. ₄₅Samai ben abi wan boi, Maon, èn na en bow a foto Bet-Sur.

₄₆Kaleb ben abi wan uma nanga san a ben e libi tu. A uma disi ben nen Efa. Nanga Efa Kaleb kisi Haran, Mosa nanga Gases. Haran kisi wan manpikin di a kari Gases tu. ₄₇Den manpikin fu Yodai ben de: Regem, Yotam, Gesam, Pelet, Efa nanga Saaf.

₄₈Maaka, wan fu den uma nanga san Kaleb ben e libi tu, ben kisi Seber nanga Tirkana. ₄₉Baka wan pisten a kisi Saaf, di bow a foto Madmana, nanga Sewa, di bow den foto Makbena nanga Giba.

Kaleb ben abi wan umapikin tu di ben nen Aksa.

₅₀Disi na tra bakapikin fu Kaleb. A fosi manpikin fu Kaleb nanga Efrat ben de Hur. Den manpikin fu Hur ben de Sobal, di bow a foto Kiryat-Yearim, ₅₁Salma, di bow a foto Betlehem, nanga Haref, di bow a foto Bet-Gader. ₅₂Sobal, di bow a foto Kiryat-Yearim, ben de a afo fu den sma fu Haroe nanga afu fu den sma di ben e libi na Menukot. ₅₃Den famiri di ben e libi na Kiryat-Yearim ben de den famiri fu: Yeter, Put, Suma nanga Misra. Den sma fu Sora nanga Estaol ben de bakapikin fu den sma fu Misra. ₅₄Den sma di ben e libi na Betlehem, na Netofa, Atrot-Bet-Yoab, afu fu den sma fu Manakat nanga den Soritisma ben de bakapikin fu Salma. ₅₅Moro fara den famiri ini Yabes di ben de skrifiman. Dati ben de a famiri Tira, a famiri Sima nanga a famiri Suka. Den sma disi na Kenitisma fu Hamat, fu pe den Rekabitisma ben kmoto tu.

₁Disi na den manpikin fu David, di a kisi na Hebron: A fosiwan ben de Amnon, en m'ma ben de Akinoam fu a Yisreel. A di fu tu ben de Danyel, en m'ma ben de Abigail fu Karmel. ₂A di fu dri ben de Absalom, en m'ma ben de Maaka. Maaka ben de a umapikin fu kownu Talmai fu Gesur. A di fu fo ben de Adonia, en m'ma ben de Hagit. ₃A di fu feifi ben de Sefatya, en m'ma ben de Abital. A di fu siksi ben de Yitream. David ben meki en nanga en uma Egla. ₄Na den siksi manpikin disi David kisi na Hebron, a foto pe a ben de seibi yari nanga siksi mun na makti. Na Yerusalem a ben de dritenti-na-dri yari na makti. ₅Den manpikin di a kisi na Yerusalem ben de: Sima, Sobab, Natan nanga Salomo. Den fo boi disi a kisi nanga Batsua, a umapikin fu Amiyel. ₆Mora fara a ben abi: Yibkar, Elisama nanga Elifelet, ₇Noga, Nefeg nanga Yafia, ₈Elisama, Elyada nanga Elifelet. Ala nanga ala ete neigi manpikin. ₉Boiti den manpikin disi, David ben abi moro ete nanga den tra uma fu en nanga san a ben e libi tu. A ben kisi wan umapikin tu di ben nen Tamar.

₁₀Salomo ben de a p'pa fu Rekabeam, Rekabeam ben de a p'pa fu Abia, Abia ben de a p'pa fu Asa èn Asa ben de a p'pa fu Yosafat. ₁₁Yosafat ben de a p'pa fu Yoram, Yoram ben de a p'pa fu Akasya èn Akasya ben de a p'pa fu Yoas. ₁₂Yoas ben de a p'pa fu Amasya, Amasya ben de a p'pa fu Asarya èn Asarya ben de a p'pa fu Yotam. ₁₃Yotam ben de a p'pa fu Akas, Akas ben de a p'pa fu Hiskia èn Hiskia ben de a p'pa fu Manase. ₁₄Manase ben de a p'pa fu Amon èn Amon ben de a p'pa fu Yosia.

₁₅Den manpikin fu Yosia ben de: Yokanan, a fosiwan, a di fu tu ben de Yoyakim, a di fu dri ben de Sedekia èn a di fu fo ben de Salum. ₁₆Den manpikin fu Yoyakim ben de Yekonya nanga Sidkia. ₁₇A manpikin fu Yekonya ben de Asir. Den manpikin fu Asir ben de: Sealtiyel, ₁₈Malkiram, Pedaya, Senasar, Yekamya, Hosama nanga Nedabya. ₁₉Den manpikin fu Pedaya ben de Serubabel nanga Simi. Den manpikin fu Serubabel ben de Mesulam nanga Hananya. Den sisa ben de Selomit. ₂₀Serubabel ben abi ete feifi manpikin: Hasuba, Ohel, Berekya, Hasadya nanga Yusab-Hesed. ₂₁Den manpikin fu Hananya ben de Pelatya nanga Yesaya. A manpikin fu Yesaya ben de Refaya. A manpikin fu Refaya ben de Arnan. A manpikin fu Arnan ben de Obadya èn a manpikin fu Obadya ben de Sekanya. ₂₂Sekanya ben abi siksi bakapikin: a manpikin fu en ben de Semaya èn den manpikin fu Semaya ben de: Hatus, Yigal, Baria, Nearya nanga Safat. ₂₃Nearya ben abi dri manpikin: Elyoenai, Hiskia nanga Asrikam. ₂₄Elyoenai ben abi seibi manpikin: Hodawyahu, Elyasib, Pelaya, Akub, Yokanan, Delaya nanga Anani.

₂₄Fu tru Mi e taigi un taki: A sma di arki san Mi e taki, èn di bribi ini a Wan di seni Mi kon, abi a libi fu têgo. A no sa kon ondro a krutu, ma a kmoto fu dede kon na libi. ₂₅Fu tru Mi e taigi un taki: A ten e kon èn a de kba, pe den dedewan o yere a sten fu a Manpikin fu Gado, èn den wan di yere en o libi. ₂₆Bika soleki fa a P'pa abi libi ini Ensrefi, na so A meki taki a Manpikin abi libi ini Ensrefi tu. ₂₇A gi En makti tu fu krutu sma, bika En na a Manpikin fu Libisma. ₂₈Un no mus ferwondru fu a sani disi. Bika a ten e kon tak' ala den dedesma o yere En sten, ₂₉dan den o opo kmoto fu den grebi. Den sma di ben du bun, o opo baka fu kisi a libi fu têgo. Ma den sma di ben du ogri, o opo baka fu kisi strafu.

₃₀Mi no kan du noti fu Misrefi. Mi e krutu soleki fa Mi yere, èn Mi e krutu nanga leti, bika Mi no e suku fu du Mi eigi wani, ma fu du a wani fu a Wan di seni Mi kon. ₃₁Efu Mi e taki fu Misrefi, a no abi warti. ₃₂Ma wan trawan de di e taki fu Mi, èn Mi sabi taki san En e taki fu Mi tru. ₃₃Un ben seni aksi Yohanes èn a ben ferteri un san tru. ₃₄Mi no abi libisma fanowdu fu taki fu Mi, ma Mi e taki disi fu Gado kan ferlusu unu. ₃₅Yohanes ben de leki wan lampu di ben bron e gi faya, èn un ben prisiri fu wan pisten nanga a faya di a ben gi. ₃₆Ma sani de di prenspari moro leki den sani san Yohanes ben taki fu Mi. Dati na den wroko di a P'pa gi Mi fu du. Na den wroko dati Mi e du, èn den e sori taki a P'pa seni Mi kon. ₃₇Èn a P'pa di seni Mi kon, na En ben taki fu Mi tu. Noiti un yere En sten èn noiti un si En. ₃₈A wortu fu En no e tan ini unu, fu di un no e bribi ini a Wan di A seni kon.

₃₉Un e ondrosuku Gadowortu, bika un e prakseri taki na drape un o feni a libi fu têgo. A Wortu disi e taki fu Mi, ₄₀ma toku un no wani kon na Mi fu kisi a libi fu têgo. ₄₁Mi no e suku grani fu libisma. ₄₂Ma Mi sabi fa un de. A lobi fu Gado no de ini unu. ₄₃Mi kon ini a nen fu Mi P'pa, ma un no wani Mi. Ma te wan tra sma kon ini en eigi nen, un o teki en. ₄₄Un e suku grani fu tra sma, ma un no e suku grani fu a wan enkri Gado. Fa un o man bribi dan? ₄₅Un no mus prakseri taki Mi o tyari unu go krutu na a P'pa. Ma na Moses, a sma tapu san un poti un howpu, na en o krutu unu. ₄₆Efu un ben bribi Moses, un ben o bribi Mi tu, bika a ben skrifi fu Mi. ₄₇Ma efu un no e bribi san Moses skrifi, fa un o man bribi san Mi e taki?”