Dag 222 van 365- Psalm 79-80 en Romeinen 11:1-21

Tye Gado, doroseisma broko kon ini a kondre fu Yu,

den pori a santa tempel fu Yu,

den broko Yerusalem te na gron.

₂Den gi den dedeskin fu den knekti fu Yu

leki nyanyan na den fowru di e frei na loktu.

a skin fu den wan di tan waka na Yu baka,

na den krasimeti.

₃Den meki a brudu fu den lon leki watra lontu Yerusalem,

no wan sma ben de fu beri den.

₄Den kondre lontu wi e teki wi meki spotu,

den e koti odo gi wi èn den e lafu wi.

₅Olanga ete MASRA?

Na fu têgo Yu ati o bron?

Na fu têgo a dyarusu o bron na ini Yu leki wan faya?

₆Lusu a atibron fu Yu tapu den folku di no sabi Yu,

tapu den kondre di no e anbegi Yu.

₇Bika den kiri den bakapikin fu Yakob,

den broko a kondre fu den te na gron.

₈No meki wi pai gi den sondu fu den afo fu wi,

sori wi Yu sari-ati es'esi,

bika wi lasi ati fu tru.

₉Yepi wi, Yu na a Gado di e ferlusu wi,

fu Yu nen kan kisi grani.

Ferlusu wi èn gi wi pardon fu den sondu fu wi

fu Yu nen ede.

₁₀No meki den tra folku aksi taki:

“Pe a Gado fu den de?”

Meki wi si fa Yu e sori den tra folku,

taki Yu e meki den pai fu a brudu fu den knekti fu Yu.

₁₁Yere a soktu fu den wan di feyanti tyari gwe leki strafuman,

meki a tranga anu fu Yu hori den wan na libi

di a feyanti ben wani kiri.

₁₂Pai den folku lontu wi seibi tron so furu baka

fu a kosi di den kosi Yu, Masra.

₁₃Dan wi, a pipel fu Yu,

den skapu di Yu e tiri,

wi sa prijse Yu fu têgo,

fu ala ten wi o taki fu a bigi nen fu Yu.

₂Yu di e tiri Israel leki wan skapuman,

Yu di e tiri den bakapikin fu Yosef leki skapu,

arki wi!

Yu di e sidon tapu den kerub,

sori Yusrefi na ini wan krin faya.

₃Meki a makti fu Yu de fu si,

gi Efraim, Benyamin nanga Manase.

Kon, kon ferlusu wi.

₄Tye Gado, meki wi de baka leki fa wi ben de bifo,

luku wi nanga prisiri,

dan wi sabi taki Yu o ferlusu wi.

₅MASRA, Gado fu ala sani,

olanga Yu ati o tan bron aladi Yu pipel e begi Yu?

₆Yu meki furu nowtu miti wi,

meki wi dringi wi eigi watra-ai.

₇Yu meki den kondre lontu wi e feti fu wi kondre,

den feyanti fu wi e teki wi meki spotu.

₈Tye Gado fu ala sani,

meki wi de baka leki fa wi ben de bifo,

luku wi nanga prisiri,

dan wi sabi taki Yu o ferlusu wi.

₉Yu diki wan pikin droifibon puru ini Egipte,

Yu yagi folku puru dan Yu prani en.

₁₀Yu ben meki a gron klar'klari gi en,

fu a ben kan sutu rutu èn furu a kondre.

₁₁A schaduw fu en ben e tapu den bergi

den taki fu en ben tapu den hei sedrebon

di ben e suku fu miti heimel.

₁₂Den taki fu en ben bradi go te na a se,

den pransun fu en ben doro te na Eufratliba.

₁₃Fu sanede Yu broko a skotu fu en?

Iniwan sma di e waka psa e broko den froktu fu en.

₁₄Busi agu e betibeti a buba fu en,

den meti fu a wei e kon nyanyan den yongu taki fu en.

₁₅Tye, Gado fu ala sani, drai kon baka,

luku fu heimel èn si,

luku san e miti a droifibon disi,

₁₆a pransun di a let'anu fu Yu prani,

a manpikin di Yusrefi kweki.

₁₇Den koti en trowe èn den bron en.

Den e dede gwe te Yu e luku den nanga atibron.

₁₈Kibri a wan di Yu teki gi Yusrefi,

a pikin di Yusrefi kweki.

₁₉Dan wi no sa gwe libi Yu,

meki wi tan na libi,

dan wi sa kari a nen fu Yu.

₂₀MASRA, Gado fu ala sani,

meki wi de baka leki fa wi ben de bifo,

luku wi nanga prisiri,

dan wi sabi taki Yu o ferlusu wi.