Dag 275 van 365- Jesaja 14-16 en Efeziërs 5:1-14

“A kba nanga a man dati di ben e pina unu,

a kba nanga a pina di a ben pina unu.

₅MASRA broko a makti fu den ogri-ati sma,

a broko a tiki fu den tiriman

di e sori taki den de na a makti,

₆a tiki di ben e naki folku nanga hebi atibron,

sondro fu kba,

a tiki di ben de nanga atibron nomo baka den folku

fu tan pina den dorodoro.

₇Alasei fu grontapu de tiri èn ini freide now,

den sma e bari fu prisiri.

₈Srefi den sipresbon e prisiri fu yu ede,

sosrefi den sedrebon tapu Libanonbergi,

den e taki:

‘Now di yu fadon,

no wan sma kan kapu un trowe moro.’

₉Dedekondre na ondrosei de ini dyugudyugu

fu kan gi yu wan kon na ini.

A e wiki den yeye fu ala den tiriman fu grontapu,

a e meki ala den kownu fu den folku opo fu den kownusturu gi yu.

₁₀Den alamala e bari yu wan kon na ini,

èn den e taigi yu taki:

‘Now yusrefi kon swaki leki unu,

yu kon tron wan fu wi tu.

₁₁Yu saka kon ini dedekondre nanga ala yu prodo

èn nanga a poku fu harp di ben e gi yu prisiri.

Woron na yu bedi now,

èn woron na a krosi nanga san yu e tapu yu skin.’

₁₂Fa yu du fadon kmopo so na heimel,

yu sowan mamanten stari,

manpikin fu a krin fu dei?

Fa yu du fadon so na gron,

yu di ben poti folku na yu ondro?

₁₃Èn yu ben prakseri srefi taki:

Mi o opo go na heimel,

mi o poti a kownusturu fu mi moro hei leki den stari fu Gado,

mi o sidon te na loktu fu Safon,

a bergi pe den gado e kon makandra.

₁₄Mi o opo go na loktu,

psa den wolku srefi,

mi o de leki a Moro Hei Gado.

₁₅Ma prefu dati na dedekondre yu o saka go,

ini a moro dipi peti.

₁₆Den sma di e si yu e luku yu fin'fini,

èn den e aksi densrefi taki:

‘Na a man disi ben meki grontapu beifi?

Na en ben seki den kondre fu den kownu?

₁₇Na en ben meki kondre tron sabana

èn broko den foto fu den?

Na en no ben e lusu den strafuman fu en moro?’

₁₈Ala den kownu fu den tra folku didon nanga grani,

iniwan ini en eigi grebi.

₁₉Ma yu, den trowe yu fara fu yu grebi,

leki wan taki di no bun.

Na yu tapu den dedeskin didon fu den wan di dede ini a feti,

den wan di saka go ini a grebi èn di sma tapu nanga ston.

Leki wan dede meti den skopu yu poti na wan sei.

₂₀Yu no o didon makandra nanga den kownu,

bika yu broko a kondre fu yu,

èn yu kiri yu eigi kondreman.

Noiti moro sma sa memre a famiri fu den sortu ogri-ati sma disi.”

₂₁Meki wan presi klari fu tyari den pikin fu en go srakti,

fu den kruktudu di den bigisma fu den du.

Noiti moro den sa teki grontapu abra,

fu furu grontapu nanga den foto fu den.

₂₂MASRA fu ala sani taki disi:

Misrefi o teki en skin now.

Mi o wai a nen fu Babel,

den sma fu en di ben tan abra,

den pikin nanga bakapikin puru na pasi.

₂₃Mi o meki Babel tron wan presi pe dyindyamaka o tan,

wan presi di o lai nanga soso swampu.

Mi o wai Babel puru na pasi nanga a sibi di e sibi ala sani gwe,

na so MASRA fu ala sani taki.

₂₄MASRA fu ala sani e sweri taki:

“Fu tru, sani o go soleki fa Mi poti tak' den mus go,

sani o psa soleki fa Mi besroiti tak' den mus psa.

₂₅Mi o broko a makti fu Asur ini a kondre fu Mi,

Mi o traputrapu den tapu den bergi.

A pipel fu Mi o kon fri fu a hebi di den e syow,

a lai o kmopo na den skowru.”

₂₆Disi na a besroiti di meki gi heri grontapu,

disi na a anu di opo fu naki ala folku.

₂₇Bika MASRA fu ala sani meki wan besroiti,

suma o man tapu en?

Na En langa en anu,

suma o man meki A saka en?

₂₈Ini a yari di kownu Akas dede, Gado taki disi:

₂₉“Filistijnsma, iya un alamala,

un no lafu tumsi fruku

fu di a tiki broko di ben naki unu.

Bika a sneki e meki wan labaria

èn a labaria e meki wan makasneki di gaw srefsrefi.

₃₀Den pikin fu den pôtiwan fu Mi pipel,

den o feni nofo nyanyan tapu den pranigron fu Mi,

den mofinawan o didon tiri fu den sondro fu frede ogri.

Ma Mi o meki den bakapikin fu unu dede fu angri,

èn sma o kiri den wan di tan na libi.

₃₁Bigi doro, un krei!

Foto, un bari!

Sma fu Filistea, un alamala lasi ati!

Bika smoko e kmopo fu noordsei,

wan legre di e kon leki wan man.

₃₂San un o piki den boskopuman fu a pipel dati?

Tak' na MASRA poti Sion tnapu.

A sa de wan kibripresi gi den pôtiwan fu a pipel fu En.”

Trutru, Ar-Moab broko,

a pori ini a neti!

Trutru, Kir-Moab broko,

a pori ini a neti!

₂Dibon e hari go na a tempel

èn den e go krei na den presi pe den e tyari ofrandi.

Moab e bari krei fu Nebo nanga Medeba.

Ala ede piri,

ala barba koti kmopo.

₃Ala sma weri lowkrosi tapu strati,

tapu den daki nanga tapu den pren,

alasei krei de fu yere.

nanga watra-ai sma e waka tapu strati.

₄Hesbon nanga Elale e bari,

te na Yahas den sten de fu yere.

Den srudati fu Moab e beifi sote,

den lasi ati.

₅Mi ati e krei fu Moab ede.

Den sma fu en di lowe doro te na Soar,

te na Eglat-Selisia.

Nanga watra-ai den e kren go na Lukit,

a krei fu den de fu yere tu tapu a pasi fu Horonaim.

₆Srefi den presi fu Nimrim pe watra ben de fu feni tron dreisabana.

A grasi e drei,

sani di prani e kon geri,

noti no wani gro moro.

₇Dat' meki den e abra a Wilgenkriki

nanga san den ben abi ete,

nanga san den ben kibri poti na wan sei.

₈A krei fu den de fu yere alasei ini Moab:

fu Eglaim te go miti Beer-Elam yu e yere:

“A kba gi unu!”

₉A watra fu Dimon redi leki brudu.

Ma Mi o meki moro sani miti Dimon:

Mi o seni wan lew baka den wan di lowe kmopo ini Moab,

èn baka den sma di tan na baka ini a kondre.

₁Tiriman fu a kondre,

un seni skapu go na Sion,

un seni den fu Sela fu den psa ini a dreisabana.

₂Dan den sma fu Moab,

o de na a presi pe sma e abra a Arnonliba.

Den o de drape leki pikin fowru di sma wan fanga,

leki pikin fowru di sma yagi fu den nesi.

₃“Gi rai! Teki wan besroiti!

Meki a schaduw fu yu de leki neti gi unu

tapu a moro faya yuru fu a dei.

Kibri den wan di ben abi fu lon panya,

no gi den wan di lowe abra.

₄Meki den wan di lon kmopo ini Moab tan sranga nanga yu,

de wan kibripresi gi den gi a wan di wan puru den na pasi.”

Dan te a benawtu kon na wan kba,

te a feyanti tapu fu broko a kondre,

te den yagi a wan puru fu a kondre di ben pina wi,

₅den o poti wan kownusturu di o tnapu tapu lobi,

èn wan man di de fu fertrow o sidon na en tapu ini a oso fu David,

A sa de wan tiriman di e du sani nanga leti,

wan di e meki ala muiti fu sani du tapu wan leti fasi.

₆Un sabi taki Moab abi heimemre,

fa a abi bigifasi,

fa a e kaka en borsu,

fa a e opo ensrefi,

èn fa a e si ensrefi hei moro trawan.

Ma na fu soso a e meki bigi.

₇Dat' meki den sma fu Moab e krei,

den alamala e krei gi Moab.

Den e dyeme, den lasi ati trutru,

fu di den rosenkuku fu Kir-Hareset no de moro.

₈Den pranigron fu Hesbon e dede gwe,

srefi den droifibon fu Sibma.

Tiriman fu dorosei kondre traputrapu den spesrutu droifi fu den,

den taki fu en ben e doro te na Yaser,

den ben e psa go te ini a dreisabana.

Den yongu taki fu en e panya go te abra a se.

₉Dat' meki mi sa krei tranga fu Yaser,

krei fu den droifibon fu Sibma.

Hesbon nanga Elale,

mi o nati unu petepete nanga den watra-ai fu mi,

bika a kba nanga a prisiri babari fu unu,

a babari di un ben meki te un ben e puru un lepi froktu,

èn te un ben e koti san un ben prani.

₁₀Prisiri nanga singi no de fu yere moro ini den pranigron,

babari nanga lafu no de moro tu ini den droifidyari.

Droifi no e masi moro ini den baki.

Mi e tyari wan kba kon na ala babari fu prisiri.

₁₁Dat' meki mi ati e brudu gi Moab,

mi ati e priti gi Kir-Heres.

₁₂Awinsi fa Moab e meki muiti na den presi pe den e tyari ofrandi,

awinsi omeni leisi a e kon makandra fu begi na a santa presi,

na fu soso.

Wiki, yu di e sribi!

Opo kmopo mindri den dedewan.

Dan a faya fu Kristus sa de na yu tapu.