“Wakù pe na' Messatàu?”tetok
1Kùpachi kon Phoebe tekamayaik àpàkù'nokon, tùwe'wotokomasen mùkkàlà ailon tawonnan Cenchrea pon ponaloppe. Ftnote: Phoebe wechippù màlà deaconess pe. 2Yanùntàk kon Itepulu yesek yau, Katù ponalok kon kappon yamùk yanùmù kasa. Molopai mùpùikattàtàik yà'làlà iche kulu iwettok ewinàpai'nokon yau, masapùla mùkkàlà wechippù wakù pe kulu, tukkan kon kappon yamùks pùikattàsak ya màlà eke pe kulu molopai Iulà nàlà.
3“Wakù pe na' messatàu?” tetok uya yekamatàk Prisilla molopai Aquila tawonnan piyak, we'wotokoma wechi yakonnon Christ Jesus wotokoyi yau. 4Upàkànsau tùwemattok kon nonkaiwannan nùssan àsà yak mùkyamlo. Tenki ukayaik tok pàk, Iulà neken pen. Tùse tamù'nawolon kon Jew yamùk pen sochi tawon kon nàlà tenki nùkayan. 5“Wakù pe na' messatàu?” te uya nàlà sochi pàk tùwepilichan tok yùwùk tak pàk.
“Wakù pe na' mesan?” te uya sàlà Epaenetus uwechiyakon kulu pàk, wapiyalok kappon ailon tawon Christ pàk, Asia yawon pata yau. 6“Wakù pe na' messan?”te uya Meli pàk, iwe'wotokomasak lùppù sa'man pe kulu àponalok kon pe pàk. 7“Wakù pe na' messatàu?” te uya Andronicus molopai mùkkàlà nossan, Junias tawonnan pàk, utonpa yamùk Jew yamùk, patikichi tau iwessak kon upokon pe, tùttusan kulu mùkyamlo yeunossak kon Christ yapyoto ton winà, molopai ailon teppù tok uya Christ pàk màlà uwapiya.
8“Wakù pe na' messan?” te uya Ampliatus pàk u'nùn pe kulu unkupù Itepulu yau. 9“Wakù pe na' messan?” te uya Urbanus pàk we'wotokoman Jesus wotokoyi yau tonpa, molopai Stachys uwechiyakon kulu pàk. 10“Wakù pe na' messan?”te uya Apelles pàk, ailon pe iwettok Jesus pàk ittusak lùppù. “Wakù pe na' messatàu?” ukayaik Aristobulus tonpa yamùk, itùwuùk tau nai'nannùk pàk. 11“Wakù pe na' messan?”te uya Herodion pàk, utonpa Jew, molopai Narcissus yùwùk tawon kon pàk.
12“Wakù pe na' messatàu?” te uya Tryphena molopai Tryphosa tawonnan, nossan yamùk sa'man pe tùwe'wotokomasan Itepulu wotokoyi yau pàk, molopai Persis pàk nàlà unùn kulu uwechiyakon pe tùwessen nossan pàk “Wakù pe na' messan?” katàk kon, mùkkàlà eke pe kulu iwe'wotokomasak lùppù Itepulu ponaloppe. 13“Wakù pe na' messan?” te uya Rufus piyak, mùkkàlà wakù kulu tùwe'wotokomasen Itepulu wotokoyi yau, molopai ichan, usan pe nàlà iwessak lùppù. 14“Wakù pe na' messatàu?” te uya Asyncritus, Phlegon, Hermes, Patrobas, Hermas tawonnan pàk, molopai tamù'nawolon kon tùulon kon ailon tawonnan pàk tok pokonpe. 15“Wakù pe na' messatàu?” te uya Philologus molopai Julia tawonnan pàk, molopai Nereus molopai yakon molopai Olympas pàk molopai tamù'nawolon kon Katù ponalok kon kappon yamùk tok pokonpe nai'nannùk pàk.
16Itepulu yesek yau uchi tùutauchinpaik messopotàik. Ftnote:Sàlà motau nen màlà tonpawannà kissma te ya. Tamù'nawolon kon ailon tawonnan Christ pàk uya “Wakù pe na' messatàu?” tetok tùuya'nokon yeunossan.
Tewin Itekkwaloppe
17Apawanatàyataù Iulà utonpa yamùk, elanneppe ettàk kon mùkyamlo wepantakantok ku'nàinan, molopai kappon yamùk uya ailon tetok yaimelunpannan pàk. Mùkyamlo uya enupantok ananùmùppù kon kupù tùwakùli kon pe pùla màlà, tok tonpa pe kettàu. 18Masapùla mùkyamlo yekkwa ton wechi Katù poitolù pe pen màlà, tùse tesak kon wettok neken iche pàk tok usenumenka. Wakù pe tùuselupatok kon winà molopai ennakan pe uselupantok ke ittunnan pen yennakanàinan. 19Tamù'nawolon kon uya mayin yawolon kon pe ewechi kon yekale yetasak man màlàpàk utauchinpayaik àpàkù'nokon. Wakù peichi nai'nùk tùttuik ewechi kon iche wessaik, tùse àli pe nai'nùk ku'nài pe pùla. 20Molopai Katù, echitonpa pe we'nàtok yesak uya sàlà peiwa Settan yamokklopù màlà atta kon yo'no.
Wakù pe we'nàtok kùyepulu Chisek winàpaino wechi apyau'nokon màlà.
21Timothy, we'wotokoma yakon, “Wakù pe na' messatàu?” tetok tùuya yeunossan apyakù'nokon, molopai nàlà Lucius, Jason tawonnan molopai Sosipater, utonpa yamùk uwalai Jew yamùk.
22Iulà, Tertius, sàlà kaleta menukanài, “Wakù pe na' messatàu?” tetok yeunossan Itepulu yai.
23Gaius, itùwùk tau wessai'nùk molopai mùkkyamlo sochi pàk tùwepilichan itùwùk tak, “Wakù pe na' messatàu?” tetok tùuya'nokon yeunossan. Erastus, pata pùlayattayi yesak, molopai Quartus kùtonpa kon tawonnan, “Wakù pe na' messatàu?” tetok tùuya'nokon yeunossan apyakù'nokon.
24Wakù pe we'nàtok kùyepulu Jesus Christ winàpaino wechi apyau'nokon màlà tamù'nawàlà. Emen.
Paul Wàpùlematok Katù yapulà pe
25Katù yapulatàk kon! Meluntà pe ewechi kon pa àkupù kon ya màlà tapàikketù ke, Wakù Itekale unekama Jesus Christ yekale yai. Tachinpe pena sàlà itekale kupùppù màlà tonantau. 26Tùse sàlà pe nen uchi, sàlà itekale yekamasak man molopai tàwàlàlà tùwemassen Katù uya tùmaimu yenpoikannan yapyontàppù màlà wakù itekale menukatoppe tok uya, tamù'nawolon kon kappon yamùk uya ailon tetoppe molopai imaimu yawàlà tok wettoppe.
27Tewinan neken pukkek Katù piyak, apulàntok molopai namantok tùlù nechii Jesus Christ yai tàwàlàlà molopai tàwàlàlà! Emen.
