Bijbelvers van vandaag
Psalm 1:1-3
1
1A sma di no e teki rai fu ogri-ati sma na wan blesi sma.
So wan sma no e du den srefi sani di sondusma e du,
a no e sidon tu nanga sma di lobi fu e meki spotu.
2Ma a lobi a wèt fu MASRA.
A e leisi en,
a e prakseri en go, a e prakseri en kon,
dei nanga neti.
3So wan sma de leki wan bon di prani sei wan kriki,
di e gi froktu tapu a yoisti ten,
en wiwiri no e flaw.
Ala sani di a e du e waka bun.