28 december - Psalm 124:1-8

“Efu MASRA no ben de nanga wi,”

na wan sani di Israel e tan taki.

₂“Efu MASRA no ben de nanga wi

di a feyanti broko kon na wi tapu,

₃den ben o nyan wi libilibi,

bika den ati ben bron na wi tapu fu tru.

₄Dan a watra ben o srepi wi tyari gwe,

den skwala ben o wasi abra wi,

₅leki wan sula a watra ben o wasi abra wi.”

₆Ma tangi fu MASRA,

A no gi wi abra na den

fu den nyan wi!

₇Un kmopo ini den anu,

leki fa wan pikin fowru e lowe kmoto

ini a net fu den man di e fanga den.

A net priti èn wi lowe.

₈A yepi fu wi e kmopo fu MASRA srefi,

fu En di meki heimel nanga grontapu.