3 december - Jesaja 2:1-5

₂Wan ten e kon

pe a bergi nanga a oso fu MASRA

sa tnapu bun steifi leki a moro hei bergi.

A sa hei bari moro den pikin bergi.

Ala folku sa hari go drape,

₃furu kondre sa hari go èn den o taki:

“Un kon, meki un kren go na a bergi fu MASRA,

na a oso fu a Gado fu Yakob,

fu A leri unu fa A wani tak' un mus libi,

èn fu un libi tu leki fa A e sori unu.”

Bika na fu Sion a wèt o kmoto,

na fu Yerusalem MASRA o taki nanga unu.

₄A sa koti krutu mindri folku,

A sa taigi bigi kondre suma abi leti.

Dan den o teki den deigri èn meki wrokosani fu en fu drai doti.

Den o teki den lansri èn meki wrokosani fu koti grasi.

Folku no sa hari go feti moro nanga trawan,

den no sa leri moro fa fu feti nanga trawan.

₅Bakapikin fu Yakob, un kon,

meki un waka ini a leti di MASRA e gi unu.