3 maart - Joël 1:15-2:2

₁₅Wan ogri dei de fu kon.

A krutudei fu MASRA de krosbei!

Wan ogri ten,

bika MASRA, di abi ala makti, e kon.

₁₆A no leti na un fesi

den meki ala un nyanyan lasi?

Srefi ini a oso fu wi Gado,

den meki taki switi singi no de moro.

₁₇Den karusiri drei gwe ini a doti,

den karumaksin broko, den baki priti,

a karu drei gwe.

₁₈Fu den meti un no abi fu taki!

Den e waka lontu nomo fu den.

A sari fu yere fa den kaw e bari.

Bika grasi no de fu feni.

No gi den kaw,

no gi den skapu.

₁₉MASRA, na yu mi e kari:

Faya pori a grasi ini den wei.

Den bon bron gwe.

₂₀Srefi den meti ini den wei e kari Yu.

Bika ala den kriki drei,

den wei drei gwe.

₁Un bro a tutu.

Bro en

tapu a santa bergi Sion meki ala sma yere.

Un mus beifi sma fu Yuda,

bika a dei fu MASRA e kon!

a de krosbei!

₂A sa de wan dungru dei,

wan dei sondro son,

wan dei nanga dungru wolku.

Ipi ipi sprenka.

Leki wan bigi tranga folku

den e hari psa abra a kondre,

leki fa a mamantenson e panya abra den bergi.

Noiti ete sowan sani ben psa

èn noiti a sa psa baka.