Dag 300 van 365- Jeremia 12-14 en 2 Timoteüs 1

₁₄Na disi MASRA taki: Na disi Mi o du nanga ala den ogri-ati kondre ini a birti fu Israel di hari kon broko a kondre di Mi gi a pipel fu Mi: yere, Mi o rutu den puru fu den kondre fu den. Den sma fu Yuda Mi o puru na den mindri tu. ₁₅Ma bakaten Mi sa abi sari-ati nanga den èn Mi sa meki den alamala drai go baka na den eigi kondre èn na den eigi sani. ₁₆Èn efu den folku dati sa leri fu a pipel fu Mi fa fu dini Mi, leki fa den ben leri a pipel fu Mi fu dini Baal, èn efu den sa sweri ini a nen fu Mi, taki: ‘Mi e sweri na a libilibi MASRA,’ dan Mi sa meki den tron wan pisi fu a folku fu Mi èn sani sa go den bun. ₁₇Ma Mi o rutu a heri folku puru di no wani arki, Mi o wai den puru na pasi. Na so MASRA taki.”

₁MASRA taigi mi taki: “Go bai wan linnen banti dan yu tai en na yu bere. Yu mus sorgu dati a no e nati.” ₂Mi go bai a banti, leki fa MASRA komanderi mi, dan mi tai en na mi bere. ₃Ne MASRA taki baka nanga mi, A taigi mi taki: ₄“Meki yu klari fu go na Peratliba nanga a banti di yu bai en di yu e weri na yu bere. Te yu doro drape yu mus kibri a banti ini wan fu den priti fu wan bergiston.” ₅So mi go èn mi kibri a banti na Peratliba leki fa MASRA komanderi mi. ₆Baka wan heri pisten MASRA taki baka nanga mi. A taigi mi taki: “Meki yusrefi klari, dan yu e go na Peratliba go teki a banti di Mi ben komanderi yu fu kibri drape.” ₇Ne mi go na Peratliba, mi suku a presi pe mi ben kibri a banti, dan mi puru en kon na doro. Ma a banti ben pori, a no ben bun moro gi noti. ₈Ne MASRA taki nanga mi, A taigi mi taki: ₉“Na disi MASRA e taki: Tapu a srefi fasi Mi o pori a heimemre fu Yuda nanga di fu Yerusalem, bika a bigi. ₁₀A takru-ati pipel disi no wani arki san Mi e taki. Den e du san a takru ati fu den e gi den fu du, èn so den e waka baka tra gado fu dini den èn fu anbegi den. Dat' meki den o kon de leki a banti disi, di no bun moro gi noti. ₁₁Bika leki fa a banti e fasi na a bere fu wan man, na so ala sma fu Israel nanga ala sma fu Yuda ben fasi na Mi, Na so MASRA taki. Den ben o de a pipel fu Mi, èn den ben o meki sma sabi Mi èn gi Mi grani nanga bigi nen. Ma den no ben wani de dati.”

₁₂“Taigi a pipel tu taki: ‘Na disi MASRA, a Gado fu Israel, taki: Kroiki meki fu lai win poti na ini den. Dan efu a pipel taigi yu taki: Un sabi dati kroiki meki fu lai win, ₁₃dan yu mus taigi den taki: Na disi MASRA taki: Yere, na so Mi o furu ala den sma fu a kondre disi nanga win te leki den drungu. Dati na den kownu di teki a presi fu David tapu a kownusturu, den priester, den profeiti nanga ala den sma fu Yerusalem. ₁₄Dan Mi o naki den sma broko leki kroiki na makandra. P'pa nanga pikin, na so MASRA taki. Mi no o abi no wan dropu sari-ati nanga den, Mi no o gi den pardon, mi no o firi sari gi den, ma Mi o puru den alamala na pasi.’ ”

₁Disi na san MASRA taigi Yeremia fu a tranga dreiten:

₁₁Dan MASRA taigi mi taki: “No begi moro gi a pipel disi fu Mi tyari wan kba kon na a benawtu ini san den de. ₁₂Awinsi den e faste, Mi no o arki te den e kari Mi fu yepi den. Awinsi den bron ofrandi gi Mi, awinsi den e tyari graan-ofrandi kon gi Mi, den no e gi Mi prisiri. Ma nanga feti, angriten nanga takrusiki di o panya drape Mi e tyari wan kba kon na den.” ₁₃Ma dan mi taki: “Tye Masra MASRA, yere, ma den profeiti fu den e taigi den taki: ‘Feti no o de èn angriten no o de ini a kondre tu, ma Mi o sorgu taki un o tan libi ini freide dyaso ini a kondre.’ ” ₁₄Ma MASRA piki mi taki: “Den profeiti e lei te den e taki sani ini Mi nen. A no Mi seni den, noti Mi komanderi den fu taki, Mi no taki nanga den srefsrefi. Den e lei te den e taki tak' Mi sori den sani. Den sani di den e du fu si sani na fesi no abi no wan warti, èn den sani di den e taki na sani di densrefi sidon prakseri. ₁₅Dat' meki na disi MASRA e taki fu den profeiti di e taki ini Mi nen sondro dati na Mi seni den, den di e taki: ‘Feti noso angriten no o de ini a kondre.’ Mi e taki dati den profeiti dati o dede ini bigi feti nanga fu angri ini angriten. ₁₆Èn a pipel di ben lobi arki den te den ben e taki den sani, sa didon dededede tapu strati. Angriten nanga bigi feti o kiri den. Den o didon sondro fu sma beri den: den, den uma fu den, den manpikin nanga den umapikin fu den. Na a fasi dati Mi o meki den ogri di den du drai kon baka tapu den.

₁₇Taigi den disi:

₁Gi Timoteus,

Disi na wan brifi fu Paulus. A ben de a wani fu Gado fu poti mi leki wan boskopuman fu Kristus Yesus, fu go ferteri tra sma fu a pramisi fu a libi di de na ini Kristus Yesus. ₂Timoteus, mi lobi yu leki yu na mi eigi pikin. Mi e winsi taki Gado a P'pa, nanga Kristus Yesus wi Masra, sa sori yu bun-ati, sari-ati nanga freide.

₃Mi e taki Gado tangi, di mi e dini nanga wan krin konsensi neleki den afo fu mi. Dei nanga neti te mi e begi, mi e taki Gado tangi ala leisi te mi e prakseri yu. ₄Te mi e prakseri fa yu ben krei, dan mi e angri fu si yu, fu mi ati sa furu nanga prisiri. ₅Sosrefi mi e prakseri a trutru bribi fu yu. Na so yu granm'ma Lowis nanga yu m'ma Enika ben bribi tu. Èn mi sabi taki yu abi a srefi bribi neleki den.

₆Di mi ben poti anu na yu tapu, Gado gi yu wan presenti. Dat'ede mi wani memre yu fu tan wroko nanga en. ₇Bika a Yeye di Gado gi wi no e meki taki wi e fredefrede. Ma A e meki taki wi abi krakti, lobi, èn tak' wi kan basi wisrefi. ₈Dat' meki yu no mus syen fu ferteri tra sma fu wi Masra. Sosrefi yu no mus syen gi mi di de na strafu fu Masra ede. Ma nanga a krakti fu Gado, yu srefi mus teki pina tu fu a bun nyunsu ede. ₉Gado ferlusu wi èn A kari wi fu libi wan santa libi. A no den sani san wi du meki A du dati. Ma A ben besroiti fu du en fu sori wi En bun-ati. Langaten fosi A ben meki grontapu, A ben sori wi a bun-ati disi ini Kristus Yesus. ₁₀A sani disi kon na krin gi wi di Kristus Yesus, wi Ferlusuman, kon. A broko a makti fu dede, èn nanga a bun nyunsu A sori wi a pasi fu kisi a libi pe dede no de.

₁₁Na fu a bun nyunsu disi Gado poti mi leki preikiman, boskopuman nanga leriman. ₁₂Fu di mi e du a wroko dati, mi e nyan den pina disi. Ma mi no e syen fu dati, bika mi sabi na ini suma mi e bribi. Èn mi sabi krinkrin tak' A abi a makti fu kibri a sani san A gi mi, te leki a bigi dei doro. ₁₃Yu mus teki a bun boskopu san yu ben yere fu mi leki a eksempre fu yu libi. Du dati nanga a bribi nanga a lobi di wi abi ini Kristus Yesus. ₁₄Nanga yepi fu a Santa Yeye di e libi ini wi, yu mus sorgu taki a bun leri san yu ben kisi no kenki.

₁₅Leki fa yu sabi, ala den bribisma fu Asia drai baka gi mi. Figelus nanga Hermogenes na tu fu den. ₁₆Ma mi e begi taki Masra sa sori En sari-ati na Onesiforus nanga den sma fu en oso. Bika furu leisi a meki mi prisiri. A no ben syen gi mi tak' mi de na strafu. ₁₇Bika di a doro na Roma, a waka suku mi te leki a feni mi. ₁₈Mi e begi gi en tak' Masra sa sori en sari-ati tapu a bigi dei. Yu srefi sabi heri bun fa a ben yepi mi nanga furu sani di mi ben de na Efese.