1Te un de ini a kondre di MASRA, un Gado, o gi unu dan un feni wan sma didon dededede ini wan wei sondro fu un sabi suma kiri en, 2den fesiman nanga den krutubakra sa kmoto go luku. Den sa marki o fara a de kmoto fu a dedeskin go na den foto di de ini a birti. 3Dan de fesiman fu a moro krosbei foto sa teki wan yongu kaw di no du no wan wroko ete èn gi san den no weri no wan wrokosani na en neki ete fu hari. 4Den fesiman fu a foto sa tyari a yongu kaw go na wan dal pe noiti watra e mankeri èn pe noiti wan sma no drai a doti noso sai. Drape den sa drai a yongu kaw en neki broko. 5Den priester, den manpikin fu Lefi, sa kon na fesi. Bika na den MASRA, un Gado, teki fu dini En, èn fu blesi sma ini a nen fu MASRA. Na den e koti trobi èn na den e krutu te wan sma du wan trawan wan sani. 6Den fesiman fu a moro krosbei foto sa wasi den anu abra a yongu kaw, fu san den broko a neki ini a dal. 7Dan den sa taki: “A no unu anu meki a brudu disi lon èn un ai no si suma du en. 8MASRA, meki en bun nanga Yu folku Israel, di Yu ferlusu. No krutu Yu folku Israel fu a brudu disi di lon.” Dan Gado no sa krutu den fu a brudu di lon. 9Tapu a fasi disi un no sa meki Gado krutu unu gi brudu san lon. Bika un du san bun ini MASRA ai.
