Surinaams Bijbelgenootschap

21 februari - Lucas 6:12-26

Bijbeltekst(en)

Lukas 6

Den twarfu boskopuman fu Yesus

12A pisten dati Yesus ben go na tapu wan bergi fu go begi. Heri neti A tan drape e begi Gado. 13Di dei broko A kari den man kon di ben e teki leri fu En. Dan Yesus puru twarfu na den mindri, èn A kari den En boskopuman. 14A teki Simon, di A ben kari Petrus, nanga en brada Andreas. Moro fara A teki Yakobus, Yohanes, Filipus, Bartolomeus, 15Mateus nanga Tomas. Dan A teki Yakobus a manpikin fu Alfeus, nanga Simon wan fu den Seloten, 16Yudas a manpikin fu Yakobus, nanga Yudas Iskariot, a man di seri Yesus bakaten.

Yesus e gi den sma leri

17Yesus saka kmopo fu a bergi nanga den man, dan A tan tnapu na a futu fu a bergi. Bun furu sma di ben e teki leri fu En ben drape. Wan heri ipi sma di ben kmopo fu Yerusalem nanga ala sei fu Yudea ben drape tu. Moro fara yu ben abi sma fu den foto Tirus nanga Sidon, di de na sei a Bigi Se. 18Den ben kon fu arki san Yesus e taki, èn fu A dresi den siki fu den. Sma di takruyeye ben e pina, ben kon betre. 19Ala sma ben suku fu fasi En, bika krakti ben kmopo fu En, èn A ben meki ala sma kon betre.

Den sma di Gado e blesi

20Yesus luku den sma di e teki leri fu En, dan A taki: “Unu leki pôtiwan na blesi sma, bika unu na sma di Gado e tiri. 21Unu di e psa angriten now na blesi sma, bika Gado o gi unu san un abi fanowdu. Unu di e krei now na blesi sma, bika Gado o meki un lafu. 22Unu na blesi sma te sma no man si un na ai, èn te den no wani sabi not'noti fu unu, èn te den e taki takru fu unu, e gi un pori nen fu a Manpikin fu Libisma ede. 23Un mus breiti èn dyompo fu prisiri na a ten dati, bika a pai san un abi na heimel bigi. Bika na so den afo fu den ben du nanga den profeiti.

24Ma un guduman, un mus luku bun! Bika un dati abi ala sani san un wani kba. 25Un di abi nofo nownow, un mus luku bun! Bika un o psa angriten. Un di e lafu nownow, un mus luku bun! Bika wan ten o kon tak' un o abi dipi sari, èn un o krei. 26Un di sma e taki soso bun fu unu, un mus luku bun! Bika na so den afo fu den ben taki bun fu den man di ben du leki den na profeiti.”

Lukas 6:12-26STB16In Bijbellezer openen

Veel van wat we vandaag en de komende dagen lezen, staat ook in het Matteüs-evangelie. Daar is het bekend als de ‘Bergrede’. In het Lucas-evangelie staat Jezus in een veld wanneer hij deze woorden spreekt. Maar de strekking is dezelfde: het is Jezus’ onderricht in een notendop, waarin hij zijn leerlingen vertelt wat het betekent om hem te volgen. In het gedeelte van vandaag noemt hij steeds een groep – arme mensen, mensen die huilen, mensen die vervolgd worden, maar ook rijke mensen, en mensen die nu lachen – en draait menselijke ideeën over die groep compleet om.
In welke groep herken je jezelf het meest? Wat vind je van Jezus’ woorden over die groep?

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.26.9
Volg ons