5 november - Lucas 19:1-10

₁Dan Yesus waka go moro fara èn a psa ini a foto Yeriko. ₂Now yu ben abi wan man di ben nen Sakeus. Sakeus ben de a edeman fu den man di e piki lantimoni, èn a ben gudu. ₃A ben meki muiti fu si suma na Yesus, ma a no ben man si En fu di a ben syatu èn den sma ben furu. ₄So Sakeus lon go na fesi, dan a kren go na ini wan werder figabon fu a kan si Yesus te A ben o psa drape. ₅Di Yesus doro drape A luku go ini a bon, dan a taigi Sakeus taki: “Sakeus, saka kon es'esi na gron, bika tide Mi mus tan na yu oso.” ₆Sakeus saka es'esi kmopo ini a bon, èn nanga prisiri a meki Yesus kon na ini en oso. ₇Ma di den sma si dati, den bigin krutukrutu. Den taki: “A go tan na ini a oso fu wan sondusma.” ₈Ma Sakeus opo tnapu dan a taigi Masra taki: “Masra, yere. Afu fu san mi abi, mi o gi den pôtisma. Èn efu mi ben puru wan sani na wan sma anu nanga tranga, dan mi sa gi en fo tron so furu baka.” ₉Dan Yesus taigi en taki: “Tide Gado ferlusu den sma fu a oso disi, fu di a man disi na wan bakapikin fu Abraham tu. ₁₀Bika A Manpikin fu Libisma kon fu suku den sma di e go lasi, èn fu ferlusu den.”