1Rahayu wong
sing mlakuné ora manut angen-angené wong duraka,
lan ora ngambah dalané wong dosa
lan ora tyampur lungguh ing jagongané wong memoyok,
2nanging sing kesenengané marang angger-anggeré GUSTI,
lan digilut-gilut awan wengi.
3Wong kuwi kaya wit sing ditandur ing sak pinggiré kali,
sing ngetokké woh ing wantyiné,
lan ora alum godongé,
apa waé sing ditandangi mesti olèh gawé.
4Ora mengkono kanggo wong duraka,
nanging kaya kulit gabah sing kabur kanginan.
5Mulané wong duraka ora betah ing ngarepé pengadilan,
mengkono wong dosa ing kumpulané wong bener;
6awit GUSTI ngerti mlakuné wong bener,
nanging mlakuné wong duraka kuwi nuju menyang karusakan.
Uw browser ondersteunt geen HTML5 audio.