Masmur 14
Gemblungé manungsa
1Kanggo juru penyanyi. Masmuré Daved.
Wong gemblung ngomong ing sak njeruhné atiné:
“Ora ana Gusti Allah.”
Apa sing dilakoni kuwi reget lan ala,
ora ana sing nglakoni kabetyikan.
2Sangka swarga GUSTI ndeleng mengisor
marang para anak-anaké manungsa,
gelem weruh apa ana sing kanggonan akal pikiran
lan nggolèki Gusti Allah.
3Wis pada nyimpang kabèh, kabèh wis bejat
ora ana sing nggawé betyik, siji waé ora ana.
4Apa ora rumangsa kabèh wong sing pada nglakoni sing ala,
sing pada mangan umat-Ku nganti entèk kaya mangan roti waé,
lan sing ora nyebut marang GUSTI?
5Ing kana pada katekan rasa wedi banget,
awit Gusti Allah ing sak tengahé golongané wong bener.
6Kowé pada bisa ngelok-elokké kekarepané wong sing ditindes,
nanging GUSTI ngadek dadi pengayomané.
7Supaya keslametané Israèl teka sangka Sion!
Yèn GUSTI mulihké kahanané umaté,
Yakub bakal surak-surak, Israèl bakal seneng-seneng.