Masmur 19
Kamulyané Gusti
1Kanggo juru penyanyi. Masmuré Daved.
2Langit nyritakké kamulyané Gusti Allah,
lan langit ngomongké gawéané tangan-Né;
3awan nerusaké kabar kuwi ganti-gumanti,
lan wayah mbengi nggelarké kaweruh ganti-gumanti.
4Ora ana kabar lan ora ana tembung,
ora krungu swarané,
5nanging tembungé ngenggoni sak lumahé bumi,
mentyar tekan ing pungkasané ndonya.
Gusti wis mernahké tarupé srengéngé ing langit,
6sing njedulé kaya pengantèn lanang sing ijik metu sangka kamaré,
njingkrak kaya suradadu sing arep mlaku ing dalané.
7Waktuné sangka pinggiré langit
lan mubengé tekan ing sisih liyané,
ora ana barang sing ora kena ing panasé.
8Angger-anggeré GUSTI kuwi sampurna,
nyegeraké nyawa;
pernatané GUSTI kuwi setia tuhu,
ngekèki kawityaksanan marang wong sing ora nduwé pengalaman.
9Tembungé GUSTI kuwi titis,
mbungahké ati;
préntahé GUSTI kuwi murni,
nggawé semloroté mripat.
10Wedi marang GUSTI kuwi sutyi,
lestari ing selawasé;
angger-anggeré GUSTI kuwi bener,
kabèh adil,
11apiké ngungkuli emas,
malah ngungkuli emas murni okèh;
leginé ngungkuli madu,
malah ngungkuli rembesé madu sangka talané tawon.
12Lan menèh abdi Panjenengan diélingké karo kuwi mau kabèh,
lan wong sing netepi nampa berkah gedé.
13Sapa sing bisa ndelok sing nasarké?
Panjenengan supaya gelem ngluwari kula sangka sing ora kula ngertèni.
14Abdi Panjenengan supaya Panjenengan ayomi, uga awit sangka anané wong sing pada ndugal;
kuwi aja nganti pada ngwasani kula!
Kula terus tetep tanpa tyiri
lan resik sangka panerak sing gedé.
15Supaya Panjenengan seneng marang tembung lan angen-angen kula,
lan gagasané ati kula, duh GUSTI, gunung watu kula lan penebus kula.