Masmur 26
Pandonga njaluk dibeneraké karo Gusti
1Masmuré Daved.
Duh GUSTI, Panjenengan supaya ngekèki keadilan marang kula,
awit mlaku kula karo mlaku resik,
kula pertyaya marang GUSTI ora mangga-mara.
2Duh GUSTI, Panjenengan supaya gelem njajal lan neter kula;
batin kula lan ati kula supaya Panjenengan glédah.
3Awit katrésnan lan kasetian Panjenengan sing kula pandeng,
lan mlaku kula ing kabenerané Panjenengan.
4Kula ora lungguh dadi siji karo tukang ngapus
lan ora sesrawungan karo wong lamis;
5kula sengit marang kumpulané wong ala,
lan uga ora lungguh nunggal karo wong duraka.
6Kula ngisuhi tangan kula tanda yèn ora kesalahan,
lan kula terus ngubengi mesbèh Panjenengan, duh GUSTI,
7karo memuji kidung maturkesuwun karo swara banter,
lan ngabaraké kabèh mujijat Panjenengan.
8Duh GUSTI, kula trésna marang panggonan griya Panjenengan
lan marang panggonan kamulyan Panjenengan.
9Panjenengan supaya aja njebol nyawa kula bareng karo wong dosa,
apa uga urip kula aja nganti bareng karo wong sing ngutahké getih,
10sing tangané nggegem penggawé ala,
tangané tengen kebak beselan.
11Nanging urip kula karo ati resik;
kula supaya diluwari lan supaya Panjenengan welasi.
12Sikilku mlaku ing tanah daratan;
aku bakal ngelem-elem GUSTI ing pasamuan.