Masmur 3
Kidung ing wayah ésuk
1Masmuré Daved, nalika mlayu sangka ngarepé anaké Absalom.
2Duh GUSTI, okèh tenan satru kula,
okèh wong sing nglawan kula;
3okèh wong sing ngomongké bab kula mengkéné:
Kuwi mesti ora olèh pitulungan sangka Gusti Allah. Sela
4Nanging Panjenengan, duh GUSTI, sing dadi tamèngé kula, sing ngaling-alingi kula,
Panjenengan sing dadi kaluhuran kula, ya sing ndangakké sirah kula.
5Karo swara banter enggonku nyebut marang GUSTI,
terus dikèki jawaban sangka gunungé sing sutyi. Sela
6Aku lèyèh-lèyèh terus turu;
aku tangi, awit dikuwatké GUSTI.
7Aku ora wedi marang èwon-èwonan,
sing arep ngepung aku.
8Duh GUSTI, ngadeka mitulungi kula, duh Gusti Allah kula,
awit Panjenengan sing wis nggempur rahang kabèh mungsuh kula,
lan wong duraka pada Panjenengan rompalké untuné.
9Keslametan kuwi tekané mung sangka GUSTI,
berkah Panjenengan didunké sing lubèr marang umat-Mu.