Masmur 70

₂Duh Gusti Allah, supaya gelis gelem ngluwari kula,

duh GUSTI, supaya gelem mitulungi kula!

₃Wong sing ngupaya njabut nyawa kula,

supaya pada kisinan lan klintyutan;

sing ngupaya nggawé tyilaka kula,

supaya pada mundur lan ngalami kisinan;

₄ya bèn mundur awit isin,

sing pada ngomong: “Sukur, sukur!”

₅Wong sing pada nggolèki Panjenengan,

pada bungah-bungaha lan bungah-bungah kabèh;

sing nrésnani keslametan pawèh Panjenengan,

tansaha ngomong mengkéné: “Gusti Allah kuwi gedé!”

₆Kula kuwi sangsara lan mlarat, duh Gusti Allah,

supaya gelem gelis teka!

Panjenengan kuwi sing mitulungi lan ngluwari kula;

duh GUSTI, supaya aja nganti ngrendetké teka Panjenengan!