Psalm 87

Den fundamenti fu a foto fu En

de tapu santa bergi.

₂MASRA lobi den bigi doro fu Sion

moro ala den foto fu Yakob.

₃Foto fu Gado,

na soso bun sani sma e taki fu yu. sela

₄“Den sma fu Rahab nanga Babel

Mi e si leki sma di e dini Mi,

srefi den sma fu Filistea, Tyrus nanga Etiopia,

na ini Sion den gebore.”

₅Sma sa taki fu Sion taki:

“Na drape ala folku gebore.

A Moro Hei Gado, iya, Ensrefi e sorgu taki Sion e tan.”

₆MASRA e skrifi na den nen fu den folku taki:

“Na drape a disi gebore.” sela

₇Den alamala e dansi èn den e singi taki:

“Sion, na ini yu ala wi blesi de.”