1Haleluya! Un knekti fu MASRA, un gi En grani,
un gi a nen fu MASRA grani.
2A nen fu MASRA fiti fu kisi grani,
now èn fu têgo.
3A nen fu MASRA fiti fu kisi grani,
fu a sei pe a son e opo go te pe a e saka.
4MASRA e tiri ala folku,
a glori fu En bigi moro leki wi kan ferstan.
5Suma de leki MASRA a Gado fu wi,
di e libi hei na loktu?
6A e luku kon na gron
na tapu heimel nanga grontapu.
7A e opo den pôtisma puru ini a doti,
A e hari den mofinawan kmoto a tokotoko,
8A e poti den sidon nanga den prenspari sma,
den heihei sma fu En folku.
9A e meki wan uma di no ben man kisi pikin,
libi nanga prisiri leki wan mama fu pikin ini en oso.
Haleluya!