Dag 139 van 365- 1 Kronieken 7-9 en Johannes 6:22-46

₁Isakar ben abi fo manpikin: Tola, Pua, Yasib nanga Simron. ₂Den manpikin fu Tola ben de: Usi, Refaya, Yeriyel, Yakmai, Yibsam nanga Semuel. Den ben de den edeman fu den famiri fu den Tolaitisma èn den ben de den dyadya fetiman ini a famiri. Ini a ten fu David den bakapikin fu den ben de tutenti-na-tu dusun nanga siksi hondro sma. ₃Usi ben de a p'pa fu Yisrakya èn Yisrakya ben de a p'pa fu Mikael, Obadya, Yowel nanga Yisia. Feifi edeman fu den famiri. ₄Den man disi ben abi furu uma nanga furu pikin. Fu a famiri fu den, dritenti-na-siksi dusun ben de fetiman. ₅Den tra famiri ini a lo fu Isakar ben abi furu dyadya fetiman tu: makandra a nen fu aititenti-na-seibi dusun fu den ben skrifi na ini a buku fu a famiri.

₆Benyamin ben abi dri manpikin: Bela, Beker nanga Yediael. ₇Bela ben abi feifi manpikin: Esbon, Usi, Usiyel, Yerimot nanga Iri. Den ben de edeman fu den famiri èn den ben de dyadya fetiman. A nen fu tutenti-na-tu dusun nanga dritenti-na-fo man fu den ben skrifi na ini den buku fu den.

₈Den manpikin fu Beker ben de: Semira, Yoas, Eliyeser, Elyoenai, Omri, Yeremot, Abia, Anatot nanga Alemet. Den alamala ben de manpikin fu Beker. ₉Fu a famiri fu den, a nen fu tutenti-na-tu dusun nanga tu hondro dyadya fetiman ben skrifi na ini den buku fu den.

₁₀Yediael ben de a p'pa fu Bilhan. Bilhan ben de a p'pa fu Yehus, Benyamin, Ehud, Kenaana, Setan, Tarsis nanga Akisakar. ₁₁Ala den bakapikin disi fu Yediael, ben de famiri edeman èn den ben de dyadya fetiman. Tin-na-seibi dusun nanga tu hondro bakapikin fu den ben de ini a legre.

₁₂Supim nanga Hupim ben de manpikin fu Ir. Husim ben de wan manpikin fu Aker.

₁₃Den manpikin fu Naftali ben de: Yakasiyel, Guni, Yeser nanga Salum, bakapikin fu Bilha.

₁₄Manase ben abi wan manpikin Asriyel di a ben kisi nanga en frow. A ben e libi nanga wan uma fu Aram tu. Nanga a uma dati a kisi Makir. Makir ben de a p'pa fu Gilead. ₁₅Makir ben feni wan uma gi Hupin nanga wan gi Supim. A sisa fu Makir ben nen Maaka. Selofkad ben de wan tra bakapikin fu Manase. A ben abi soso umapikin. ₁₆Maaka, a uma fu Makir, kisi tu manpikin: Peres nanga Seres. Den manpikin fu Seres ben de: Ulam nanga Rekem. ₁₇A manpikin fu Ulam ben de Bedan. Den alamala ben de bakapikin fu Gilead, a manpikin fu Makir nanga granpikin fu Manase. ₁₈Moleket, a sisa fu Makir, ben kisi Ishod, Abiyeser nanga Makla. ₁₉Den manpikin fu Semida ben de: Akyan, Sekem, Liki nanga Aniam.

₂₀Disi ben de den bakapikin fu Efraim: Efraim ben de a p'pa fu Sutelak, Sutelak ben de a p'pa fu Bered èn Bered ben de a p'pa fu Takat. ₂₁Takat ben de a p'pa fu Sabad èn Sabad ben de a p'pa fu Sutelak. Efraim ben abi tu manpikin ete, Eser nanga Elad. Ma den sma di ben e libi fosi na ini Gat, ben kiri den tu manpikin dati di den boi ben go fu fufuru den meti fu den sma. ₂₂Den p'pa Efraim low wan heri pisten gi den, èn den famiri fu en ben kon trowstu en. ₂₃Baka dati, Efraim sribi nanga en uma, a uma hori beri èn a kisi wan boi. Efraim kari a boi Beria fu a bigi nowtu di ben miti en. ₂₄A umapikin fu en ben de Seera. Na en bow den foto Lagi-Bet-Horon, Hei-Bet-Horon nanga Usen-Seera. ₂₅Efraim ben abi wan manpikin ete di ben nen Refa. Refa ben de a p'pa fu Tela èn Tela ben de a p'pa fu Takan. ₂₆Takan ben de a p'pa fu Ladan, Ladan ben de a p'pa fu Amihud èn Amihud ben de a p'pa fu Elisama. ₂₇Elisama ben de a p'pa fu Nun èn Nun ben de a p'pa fu Yosua.

₂₈Den bakapikin fu Efraim ben e libi na ini: Betel nanga den dorpu fu en, Naara na oostsei, na westsei Geser nanga den dorpu fu en nanga Sikem nanga den dorpu fu en te go miti Aya nanga den dorpu fu en. ₂₉A lo fu Manase ben abi den foto: Bet-Sean nanga den dorpu fu en, Taanak nanga den dorpu fu en, Megido nanga den dorpu fu en nanga Dor nanga den dorpu fu en. Disi na pe den bakapikin fu Yosef, a manpikin fu Israel ben e tan.

₃₀Den manpikin fu Aser ben de: Yimna, Yiswa, Beria nanga den sisa Serak.

₃₁Den manpikin fu Beria ben de Heber nanga Malkiyel, di bow a foto Bir-Sait. ₃₂Heber ben de a p'pa fu: Yaflet, Somer, Hotam nanga den sisa Sua. ₃₃Yaflet ben de a p'pa fu: Pasak, Bimhal nanga Aswat. Na den ben de den manpikin fu Yaflet. ₃₄Semer ben de a p'pa fu: Aki, Roga, Yekuba nanga Aram. ₃₅Den manpikin fu en brada Helem, ben de: Sofa, Yimna, Seles nanga Amal.

₃₆Sofa ben de a p'pa fu: Suak, Harnefer, Sual, Beri, Yimra, ₃₇Beser, Hod, Sama, Silsa, Yitran nanga Beera.

₃₈Yeter ben de a p'pa fu: Yefune, Pispa nanga Ara.

₃₉Ula ben de a p'pa fu: Arak, Haniyel nanga Risya.

₄₀Den alamala ben de bakapikin fu Aser. Den ben de edeman fu den famiri, dyadya fetiman nanga bigi nen nanga edeman fu den lo. Tutenti-na-siksi dusun nen fu den ben skrifi na ini den buku leki man di ben fiti fu feti ini a legre.

₁A fosi manpikin fu Benyamin ben de Bela. A di fu tu ben de Asbel a di fu dri Akra. ₂A di fu fo Noka èn a di fu feifi Rafa. ₃Den bakapikin fu Bela ben de: Adar, Gera, Abihud, ₄Abisua, Naaman, Akoak, ₅Gera, Sefufan nanga Huram. ₆Disi na den manpikin fu Ehud. Den ben de famiri-edeman fu den sma di ben e libi na Geba ma feyanti ben tyari den sma disi nanga tranga gwe na Manakat. ₇Den nen fu den ben de: Naaman, Akia nanga Gera. Na Gera ben e tiri den di den ben e gwe. Gera ben de a p'pa fu Usa nanga Akikud.

₈Sakaraim kisi pikin di a ben e libi na Moab. A ben seni Husim nanga Baara, den uma nanga san a ben e libi, gwe. ₉Nanga en frow Hodes a kisi: Yobab, Sibya, Mesa, Malkam, ₁₀Yehus, Sakeya nanga Mirma. Ala den manpikin disi fu Sakaraim ben de edeman fu famiri. ₁₁Nanga Husim a ben kisi: Abitub nanga Elpaal. ₁₂Elpaal ben de p'pa fu: Eber, Misam nanga Semed. Semed bow den foto Ono nanga Lod nanga den dorpu fu den. ₁₃Beria nanga Sema ben de edeman fu den famiri di ben e libi ini a foto Ayalon. Den ben yagi den sma fu a foto Gat kmoto fu drape.

₁₄Akio, Sasak, Yeremot, ₁₅Sebadya, Arad, Eder, ₁₆Mikael, Yispa nanga Yoka ben de manpikin fu Beria. ₁₇Sebadya, Mesulam, Hiski, Heber, ₁₈Yismerai, Yislia nanga Yobab ben de manpikin fu Elpaal. ₁₉Yakim, Sikri, Sabdi, ₂₀Elyoenai, Siletai, Eliyel, ₂₁Adaya, Beraya nanga Simrat ben de den manpikin fu Simi. ₂₂Yispan, Eber, Eliyel, ₂₃Abdon, Sikri, Hanan, ₂₄Hananya, Elam, Antotia, ₂₅Yifdeya nanga Penuel ben de den manpikin fu Sasak. ₂₆Samserai, Sekarya, Atalya, ₂₇Yaaresya, Elia nanga Sikri ben de den manpikin fu Yerokam. ₂₈Ini wan fu den man disi ben de famiri-edeman. Den ben e libi na Yerusalem.

₂₉A man di bow a foto Gibeon ben e libi drape nanga en uma Maaka. ₃₀A fosi manpikin fu en ben de Abdon. Den trawan ben de: Sur, Kis, Baal, Nadab, ₃₁Gedor, Akio nanga Seker. ₃₂Miklot ben de a p'pa fu Sima. Den teki a eksempre fu den famiri fu den dan den go libi na Yerusalem tu.

₃₃Ner ben de a p'pa fu Kis, Kis ben de a p'pa fu Saul, Saul ben de a p'pa fu Yonatan, Malkisua, Abinadab nanga Esbaal. ₃₄Yonatan ben de a p'pa fu Meribaal èn Meribaal ben de a p'pa fu Mika. ₃₅Mika ben de a p'pa fu: Piton, Melek, Tarea nanga Akas. ₃₆Akas ben de a p'pa fu Yehoada, Yehoada ben de a p'pa fu Alemet, Asmawet nanga Simri. Simri ben de a p'pa fu Mosa ₃₇Mosa ben de a p'pa fu Bina, Bina ben de a p'pa fu Rafa, Rafa ben de a p'pa fu Elasa èn Elasa ben de a p'pa fu Asel. ₃₈Asel ben abi siksi manpikin. Den ben nen Asrikam, Bokeru, Yismael, Searya, Obadya nanga Hanan. Den alamala ben de manpikin fu Asel. ₃₉Esek, a brada fu Asel, ben abi dri manpikin. A fosi wan ben de Ulam, a di fu tu ben de Yehus èn a di fu dri ben de Elifelet. ₄₀Den manpikin fu Ulam ben de dyadya fetiman, di ben sabi sutu bun nanga bo. Den kisi furu pikin nanga bakapikin: wan hondro feifitenti.

Den alamala ben de bakapikin fu Benyamin.

₁Den nen fu ala den Israelitisma ben skrifi na ini buku. Den ben skrifi na ini a buku fu den kownu fu Israel. Den Babiloniasma ben tyari den sma fu Yuda nanga tranga go na Babel fu den sondu ede. ₂Den fosi sma di ben drai kon baka na den presi fu den na ini den difrenti foto ben de: den priester, den Lefitisma, den man di ben e yepi ini a tempel nanga tratra sma.

₃Na ini Yerusalem den bakapikin fu Yuda, Benyamin, Efraim nanga Manase ben e libi. ₄Utai ben de a manpikin fu Amihud, Amihud ben de a manpikin fu Omri, Omri ben de a manpikin fu Imri, Imri ben de a manpikin fu Bani, Bani ben de a manpikin fu Peres èn Peres ben de wan manpikin fu Yuda. ₅Fu den Silonitisma yu ben abi: Asaya, a fosi manpikin, nanga den manpikin fu en. ₆Fu den bakapikin fu Serak Yu ben abi: Yehuel nanga den brada fu en. Makandra den ben de siksi hondro neigitenti sma. ₇Fu den bakapikin fu Benyamin yu ben abi: Salu, a manpikin fu Mesulam, Mesulam ben de a manpikin fu Hodawya èn Hodawya ben de a manpikin fu Hasenua. ₈Moro fara: Yibneya, a manpikin fu Yerokam. Ela, a manpikin fu Usi nanga granpikin fu Mikri. Mesulam ben de a manpikin fu Sefatya, Sefatya ben de a manpikin fu Rehuel èn Rehuel ben de a manpikin fu Yibnia. ₉Makandra den ben de neigi hondro feifitenti-na-siksi sma fu a lo fu Benyamin. Ala den man disi ben de edeman fu den famiri.

₁₀Den priester di ben e libi na Yerusalem ben de: Yedaya, Yoyarib, Yakin, ₁₁nanga Asarya, a edeman fu a oso fu Gado. Asarya ben de a manpikin fu Hilkia, Hilkia ben de a manpikin fu Mesulam, Mesulam ben de a manpikin fu Sadok, Sadok ben de a manpikin fu Merayot èn Merayot ben de a manpikin fu Akitub. ₁₂Moro fara Adaya, a manpikin fu Yerokam. Yerokam ben de a manpikin fu Paskur, Paskur ben de a manpikin fu Malkia, Malkia ben de a manpikin fu Masai, Masai ben de a manpikin fu Adiyel, Adiyel ben de a manpikin fu Yaksera, Yaksera ben de a manpikin fu Mesulam, Mesulam ben de a manpikin fu Mesilemit èn Mesilemit ben de a manpikin fu Imer. ₁₃Den nanga ala den tra priester di ben de famiri-edeman, ben de wan dusun seibi hondro siksitenti. Den man disi ben sabi a wroko bun di den ben e du ini a oso fu Gado.

₁₄Fu den Lefitisma yu ben abi: Semaya a manpikin fu Hasub. Hasub ben de a manpikin fu Asrikam, Asrikam ben de a manpikin fu Hasabya èn Hasabya ben de wan fu den manpikin fu Merari. ₁₅Moro fara yu ben abi Bakbakar, Heres, Galal nanga Matanya. Matanya, ben de a manpikin fu Mika, Mika ben de a manpikin fu Sikri èn Sikri ben de a manpikin fu Asaf. ₁₆Obadya ben de a manpikin fu Semaya, Semaya ben de a manpikin fu Galal, Galal ben de a manpikin fu Yedutun. Berekya ben de a manpikin fu Asa èn Asa ben de a manpikin fu Elkana, di ben e libi ini wan fu den dorpu fu a foto Netofa.

₁₇Den man di ben e hori wakti na a tempel ben de: Salum, Akub, Talmon nanga Akiman. Salum ben de a edeman fu den. ₁₈Te tide na bakapikin fu Salum e hori wakti na a Kownupoort, na oostsei fu a tempel. Na den man disi ben hori wakti fosi na a bigin fu a kampu fu den Lefitisma. ₁₉Salum ben de a manpikin fu Kore, Kore ben de a manpikin fu Ebyasaf èn Ebyasaf ben de a manpikin fu Korak. Makandra nanga den tra famiri fu en fu Korak, Salum nanga en famiri ben abi a frantwortu fu hori wakti na mofodoro fu a santa tenti. Den afo fu den ben abi a frantwortu fosi kba fu hori wakti na a bigin fu a kampu fu MASRA. ₂₀Fosi na granpriester Pinekas, a manpikin fu Eleasar, ben e tiri den. Èn MASRA ben de nanga en. ₂₁Sekarya, a manpikin fu Meselemya, ben e hori wakti na mofodoro fu a tenti pe yu ben kan miti nanga Gado. ₂₂Tu hondro nanga twarfu man ben kisi a wroko fu hori wakti. Den nen fu den man dati skrifi ini a buku fu den dorpu pe den ben e libi. David nanga Samuel, a man di Gado ben e sori sani, ben gi den a wroko dati. ₂₃Na den nanga den bakapikin fu den ben e hori wakti na den doro fu a oso fu MASRA, a santa tenti. ₂₄Den man di ben e hori wakti na a tempel ben tnapu na ala fo sei: na a oostsei, na westsei, na noordsei nanga na zuidsei. ₂₅Tapu fasti ten den famiri fu den ini den dorpu ben e kon fu hori wakti tu seibi dei langa. ₂₆Ma fu a wroko disi, den fo Lefitiman disi ben de den moro prenspari wan. Den ben abi a frantwortu tu fu hori ai tapu den kamra pe nyanyan ben e tan nanga den kamra pe den gudu fu a oso fu Gado ben e tan. ₂₇Den ben e tan sribi na a oso fu Gado, bika na den ben abi a frantwortu fu hori wakti nanga fu opo den doro ala mamanten.

₂₈Sonwan fu den ben abi a frantwortu fu den wrokosani fu a tempel. Den ben e teri den wrokosani disi te den ben teki den èn te den ben e go poti den baka. ₂₉Trawan ben abi a frantwortu gi den tra santa wrokosani, gi a fini blon, a win, a oleifoli, a wierook nanga den spesrei. ₃₀Ma na den priester wawan ben e moksi den spesrei fu meki oli. ₃₁A Lefitiman Matitya, a fosi manpikin fu Salum, fu a famiri fu Korak, ben abi a frantwortu fu a bakri wroko. ₃₂Tra Lefitiman, bakapikin fu Kehat, ben abi a frantwortu fu sorgu gi den brede di ben e poti spesrutu gi Gado. Ibri sabatdei den ben mus poti trawan. ₃₃Ma den singiman no ben abi fu du tra wroko bika dei nanga neti den ben mus de klari gi a wroko fu den. Den edeman fu den famiri fu den ben e tan ini den kamra na a tempel.

₃₄Disi ben de den edeman fu den famiri fu den Lefitisma di ben e tan na Yerusalem nanga den famiri.

₃₅Yehiyel, a man di bow a foto Gibeon ben e libi drape nanga en uma Maaka. ₃₆A fosi manpikin fu en ben de Abdon. Den trawan ben de: Sur, Kis, Baal, Ner, Nadab, ₃₇Gedor, Akio, Sekarya nanga Miklot. ₃₈Miklot ben de a p'pa fu Sima. Den teki a eksempre fu den famiri fu den dan den go libi na Yerusalem tu.

₃₉Ner ben de a p'pa fu Kis èn Kis ben de a p'pa fu Saul. Saul ben de a p'pa fu Yonatan, Malkisua, Abinadab nanga Esbaal. ₄₀Yonatan ben de a p'pa fu Meribaal èn Meribaal ben de a p'pa fu Mika. ₄₁Mika ben de a p'pa fu: Piton, Melek, Takrea. ₄₂Akas ben de a p'pa fu Yara, Yara ben de a p'pa fu Alemet, Asmawet nanga Simri. Simri ben de a p'pa fu Mosa. ₄₃Mosa ben de a p'pa fu Bina, Bina ben de a p'pa fu Refaya, Refaya ben de a p'pa fu Elasa èn Elasa ben de a p'pa fu Asel. ₄₄Asel ben abi siksi manpikin. Den ben nen Asrikam, Bokeru, Yismael, Searya, Obadya nanga Hanan. Den alamala ben de manpikin fu Asel.

₂₂A tra dei fu en, a bigi grupu sma di ben de na a tra sei fu a meer ete, memre taki na wan boto nomo ben drape. Den memre tu taki Yesus no ben go nanga den man di ben e teki leri fu En ini a boto, ma taki den man di ben e teki leri fu En ben gwe sondro En. ₂₃Ma now tra boto ben kmopo fu Tiberias kon na a presi pe den ben nyan a brede baka di Masra ben taki tangi fu en. ₂₄So di a bigi grupu sma si taki Yesus nanga den man di ben e teki leri fu En no ben drape, den go ini den boto dati, dan den koti abra go na Kafarnaum fu go suku Yesus.

₂₅Di den feni En na abrasei fu a meer, den aksi En taki: “Meister, oten Yu kon dya?” ₂₆Yesus piki den taki: “Fu tru Mi e taigi un taki: Un no e suku Mi fu di un si den marki, ma fu di un furu un bere nanga brede. ₂₇Un no mus wroko fu kisi nyanyan san e pori gwe, ma un mus wroko fu kisi a nyanyan san no e pori èn san e gi a libi fu têgo. Dati na a nyanyan san a Manpikin fu Libisma o gi unu. Bika Gado a P'pa poti En stampu na En tapu.” ₂₈Dan den sma aksi En taki: “San un mus du? San na den wroko san Gado wani taki un mus du?” ₂₉Yesus piki den taki: “A wroko san Gado wani taki un mus du na disi: Un mus bribi ini a Wan di A seni kon.”

₃₀Dan den aksi En baka taki: “Sortu marki Yu o sori unu fu un kan bribi ini Yu? San Yu o du? ₃₁Den afo fu wi ben nyan mana ini a dreisabana, soleki fa a skrifi taki: ‘A gi den brede fu nyan di kmoto fu heimel.’ ” ₃₂Dan Yesus taigi den taki: “Fu tru Mi e taigi unu: A no Moses ben gi un a brede di kmoto fu heimel, ma na Mi P'pa e gi un a trutru brede san e kmopo fu heimel. ₃₃Bika a brede fu Gado na a Wan di saka kmopo fu heimel fu gi libi na ala sma fu grontapu.” ₃₄Dan den sma aksi En taki: “Masra, gi unu a brede disi ala dei.” ₃₅Yesus piki den taki: “Mi na a brede san e gi libi. Noiti moro angri o kiri a sma di e kon na Mi, èn noiti moro watra o kiri a sma di e bribi ini Mi. ₃₆Leki fa Mi taigi un kba: Un e si Mi, ma toku un no e bribi. ₃₇Ala den sma di a P'pa gi Mi, o kon na Mi, èn den sma di kon na Mi, noiti Mi o yagi gwe. ₃₈Bika Mi no saka kmopo fu heimel fu du Mi eigi wani, ma fu du a wani fu a Wan di seni Mi kon. ₃₉Èn disi na a wani fu a Wan di seni Mi kon, tak' Mi no lasi no wan fu den sma di A gi Mi, ma tak' Mi meki alamala kon na libi baka tapu a laste dei. ₄₀Bika Mi P'pa wani taki ala sma di e si a Manpikin, èn di e bribi ini En, sa kisi a libi fu têgo, èn Mi o meki den kon na libi baka tapu a laste dei.”

₄₁Dan den Dyusma bigin krutukrutu fu di A ben taki tak' En na a brede san saka kmopo fu heimel. ₄₂Den taki: “A no Yesus, a manpikin fu Yosef? Un sabi En m'ma nanga En p'pa. Fa a kan taki tak' A saka kmopo fu heimel?” ₄₃Ma Yesus piki den taki: “No krutukrutu nanga makandra. ₄₄No wan sma kan kon na Mi, efu a P'pa di seni Mi, no hari en kon. Dan Mi sa meki a kon na libi baka tapu a laste dei. ₄₅A skrifi ini den buku fu den profeiti taki: ‘Gado srefi o gi ala sma leri.’ Ala sma di e arki a P'pa èn di e teki leri fu En, e kon na Mi. ₄₆Dati no wani taki tak' a sma si a P'pa, bika soso a Wan di kmoto fu Gado si a P'pa.