Dag 303 van 365- Jeremia 20-21 en 2 Timoteüs 4

₁Priester Paskur, a manpikin fu Imer, ben de edeman fu den waktiman fu a oso fu MASRA. A yere di Yeremia ben taki san Masra ben gi en fu taki. ₂Dan a meki waktiman naki a profeiti Yeremia nanga tiki. Den fasi en ede, anu nanga futu na ini wan pisi udu fu a no beweigi dan den poti en na a hei Benyaminpoort na a oso fu MASRA. ₃Ma di Paskur meki den lusu Yeremia a tra mamanten, Yeremia taigi en taki: “MASRA no e kari yu Paskur moro, ma Magor-Misabib. ₄Bika na disi MASRA e taki: ‘Luku, Mi e meki yu tron wan frede gi yusrefi nanga gi ala den mati fu yu. Den feyanti fu den o kiri den na ini feti èn yu o abi fu luku fa dati e psa. Mi e gi ala sma fu Yuda abra na a kownu fu Babel di o tyari den go na Babel, noso a o kiri den. ₅Ala den gudu fu a foto, ala den sani gi san den sma naki den skin, ala den diri sani, makandra nanga den gudu fu den kownu fu Yuda, Mi o gi ini a makti fu den feyanti. Den sa fufuru den teki èn tyari den go na Babel. ₆Yu Paskur, yu nanga ala den ososma fu yu den o tyari go nanga tranga na Babel tu. Drape yu o dede èn na drape den o beri yu. Yu nanga ala den mati fu yu gi san yu ben lei taki na Masra ben taigi yu sani.’ ”

₁MASRA taki nanga Yeremia. A taki nanga en baka di kownu Sedekia ben seni Paskur, a manpikin fu Malkia, nanga priester Sefanya, a manpikin fu Maaseya, go na en nanga a boskopu disi: ₂“Yu sabi dati kownu Nebukadnesar fu Babel kon feti nanga unu. Taki nanga MASRA gi unu. Kande A sa du wan wondru gi unu baka, dan a feyanti sa hari gwe.” ₃Yeremia piki den man taki: “Un mus taigi Sedekia taki: ₄Na disi MASRA, a Gado fu Israel, e taki: ‘A kownu fu Babel nanga den Kaldeasma lontu a foto na alasei. Ma Mi o dwengi unu fu un no feti na dorosei moro nanga den, ma fu un hari go ini a foto. ₅Misrefi o feti nanga unu nanga ala Mi makti, èn na ini bun hebi atibron. ₆Mi o kiri ala sma nanga ala meti ini a foto. Mi o meki wan bun takrusiki di o panya drape kiri den. ₇Baka dati, na so MASRA taki, Mi o gi kownu Sedekia fu Yuda, den man di e wroko nanga en, nanga ala sma ini a foto disi, di a takrusiki, a bigi feti noso a angriten no kiri, abra na kownu Nebukadnesar fu Babel. Iya, Mi o gi den abra na a feyanti fu den di wani kiri den. A o kiri den nanga en deigri èn a no o abi no wan dropu sari-ati nanga den, a no o gi den pardon èn a no o firi noti gi den.’ ”

₈MASRA taigi mi taki: “Taigi a pipel taki: Na disi MASRA e taki: Un yere, Mi e poti libi nanga dede na un fesi, un kan teki wan fu den tu: ₉A sma di tan ini a foto o dede ini a feti, o dede fu angri noso fu a takrusiki di o panya drape. Ma a sma di kmoto ini a foto èn gi ensrefi abra na den Kaldeasma di lontu unu, sa tan na libi. ₁₀Bika Mi drai baka gi a foto disi: Mi no sa ferlusu en, ma Mi sa meki a broko, na so MASRA taki. Mi sa gi en abra ini a makti fu a kownu fu Babel di o sutu faya gi en.”

₁₁“Gi a kownu fu Yuda nanga ala sma di o tron kownu na en baka.

₁Na fesi Gado èn na fesi Kristus Yesus di o krutu den dedewan nanga den libiwan te A kon baka fu rigeri leki Kownu, mi e taigi yu trangatranga taki: ₂Preiki a boskopu. Yu mus de klar'klari ala ten fu du dati, awinsi na wan bun ten, efu no. Sori den sma pe den fowtu, warskow den, gi den dek'ati. Du dati nanga ala pasensi, èn tan leri den sma. ₃Bika wan ten o kon pe den sma no o wani arki a bun leri moro. Den o du san den wani, èn den o teki wan lo leriman di e leri den san den wani fu yere. ₄Den o tapu den yesi gi a tru leri èn den o arki leitori. ₅Ma yu dati mus de nanga krin ai, awinsi san e psa. Teki a pina, panya a bun nyunsu, du ala a wroko san Gado gi yu fu du.

₆Dyonsro mi brudu o lon leki wan ofrandi. A yuru fu mi dede de krosbei kba. ₇Mi strei a bun strei. Mi lon a streilon te na a kba, èn mi no lasi a bribi. ₈Now wan grani e wakti mi, a grani san yu e kisi te yu libi bun ini Gado ai. Masra, a krutubakra di e koti krutu nanga leti, sa gi mi a grani dati tapu a bigi dei. Ma a no mi wawan o kisi a grani disi, ma na ala sma di e angri fu A kon baka.

₉Du muiti fu kon her'esi na mi, ₁₀bika Demas gwe libi mi fu di a lobi den sani fu a grontapu disi. A go na Tesalonika. Kresens go na Galasia, èn Titus go na Dalmasia. ₁₁Lukas wawan de ete nanga mi. Te yu e kon, go teki Markus fu a kon nanga yu, bika a de wan bigi yepi gi mi na ini a wroko. ₁₂Mi seni Tikikus go na Efese. ₁₃Te yu e kon, yu mus tyari a mantel fu mi kon di mi ben libi ini Troas na Karpus oso. Sosrefi yu mus tyari den buku gi mi, ma funamku den wan di skrifi tapu meti buba. ₁₄Aleksander, a koprosmeti, du mi furu ogri. Masra o pai en fu san a du. ₁₅Yu mus luku bun nanga en tu, bika fayafaya a e feti san wi e leri.

₁₆A fosi leisi di mi go na krutu, no wan sma kon yepi mi. Ala sma libi mi, mi wawan. Meki Masra no hori den frantwortu fu dati. ₁₇Ma Masra ben de nanga mi èn A gi mi krakti fu mi kan preiki a heri boskopu. Na so ala den sma di no sabi Gado ben kan yere en. Èn Masra puru mi na grebimofo. ₁₈Iya, Masra o kibri mi fu ala sortu ogri èn A o meki mi doro bun na heimel pe A e rigeri leki Kownu. Na En mus kisi glori fu têgo èn ala ten! Amen.

₁₉Taki Priska, Akwila, Onesiforus nanga den ososma fu en, odi gi mi. ₂₀Erastus tan ini Korinte, èn mi ben abi fu libi Trofimus sikisiki na baka di mi gwe fu Mileta. ₂₁Meki muiti fu kon na mi fosi a kowruten. Ebulus, Pudens, Linus, Klaudia nanga ala den brada nanga sisa e seni odi gi yu.

₂₂Meki Masra de nanga yu èn meki A sori unu bun-ati.