10 oktober - Psalm 119:153-160

₁₅₃Si a bigi nowtu ini sani mi de èn yepi mi,

bika mi no e fergiti a wèt fu Yu.

₁₅₄Taki gi mi fesi krutu èn ferlusu mi,

hori mi na libi leki fa Yu ben pramisi.

₁₅₅Ferlusu no de gi den ogri-ati sma

bika den no wani sabi noti fu den sani fu Yu

di wi mus tan du.

₁₅₆MASRA, a sari-ati fu Yu bigi,

meki den san fu Yu na san wi mus hori wisrefi

hori mi na libi.

₁₅₇Den sma di de nomo na mi baka

nanga den feyanti fu mi, furu

ma mi no e tapu fu du den sani fu Yu

di wi mus memre.

₁₅₈Te mi e si sma di drai baka gi a wèt fu Yu

mi no wan si den na ai srefsrefi,

bika den no e du san Yu wortu e taki.

₁₅₉Ma luku fa mi lobi den sani di Yu komanderi,

MASRA, meki a lobi fu Yu hori mi na libi.

₁₆₀Ala wortu fu Yu de fu fertrow,

ala den bun sani fu Yu na san wi mus tan hori wisrefi

de fu têgo.