129Den sani fu Yu di wi mus memre
na ferwondru sani,
dat' meki mi e du den nanga mi heri ati.
130Te den opo a wortu fu Yu
a e tyari leti kon,
a e meki den sma di no sabi furu,
kon srapu.
131A mofo fu mi e lon watra,
fu a angri di mi e angri fu den gebod fu Yu.
132Drai luku mi èn sori mi a bun-ati fu Yu,
leki fa a fiti den sma di lobi Yu.
133Tyari mi tapu a pasi leki fa Yu ben pramisi mi,
no meki no wan ogri basi mi.
134Ferlusu mi fu a pina di libisma e pina mi,
dan mi sa tan du san Yu komanderi.
135Luku Yu knekti nanga prisiri,
èn leri mi den sani fu Yu di wi mus tan du.
136Den ai fu mi e lon watra leki wan kriki,
bika sma no e du san a wèt fu Yu e taki.
