14Dan den lefiti priester sa opo den sten èn taki meki heri Israel yere. Den sa taki:
15‘Wan fluku sa de tapu a sma di meki wan popki fu wan sani leki gado, dan a kibri poti en wan presi. MASRA no lobi den sani disi srefsrefi, di libisma meki nanga den eigi anu.’ Dan a heri folku sa piki taki: ‘Na so a sa de.’
16‘Wan fluku sa de tapu a sma di no e si en p'pa nanga en m'ma leki noti.’ Dan a heri folku sa piki taki: ‘Na so a sa de.’
17‘Wan fluku sa de tapu a sma di dribi den postu noso ston, di e sori pe wan trawan en dyari e bigin nanga pe a e kba.’ Dan a heri folku sa piki taki: ‘Na so a sa de.’
18‘Wan fluku sa de tapu a sma di no sori wan breniman a bun pasi.’ Dan a heri folku sa piki taki: ‘Na so a sa de.’
19‘Wan fluku sa de tapu a sma di no gi den doroseisma, den pikin di no abi p'pa nanga m'ma moro nanga den uma di no abi masra moro, den leti di den abi.’ Dan a heri folku sa piki taki: ‘Na so a sa de.’
20‘Wan fluku sa de tapu a sma di go na bedi nanga a frow fu en p'pa. Bika a gi en p'pa syen nanga dati.’ Dan a heri folku sa piki taki: ‘Na so a sa de.’
21‘Wan fluku sa de tapu a sma di go na bedi nanga wan meti.’ Dan a heri folku sa piki taki: ‘Na so a sa de.’
22‘Wan fluku sa de tapu a sma di go na bedi nanga en s'sa, a pikin fu en p'pa noso a pikin fu en m'ma.’ Dan a heri folku sa piki taki: ‘Na so a sa de.’
23‘Wan fluku sa de tapu a sma di go na bedi nanga a m'ma fu en frow.’ Dan a heri folku sa piki taki: ‘Na so a sa de.’
24‘Wan fluku sa de tapu a sma di kiri wan sma fu en eigi folku bakabaka.’ Dan a heri folku sa piki taki: ‘Na so a sa de.’
25‘Wan fluku sa de tapu a sma di teki moni fu kiri wan trawan di no du noti.’ Dan a heri folku sa piki taki: ‘Na so a sa de.’
26‘Wan fluku sa de tapu a sma di no hori ensrefi na den wortu fu a wèt disi.’ Dan a heri folku sa piki taki: ‘Na so a sa de.’ ”
