24 maart - Jesaja 51:17-23

₁₇Wiki! Wiki!

Yerusalem, opo!

MASRA meki yu dringi fu a kan fu a hebi atibron fu En.

Yu dringi a kroiki leigi te yu drungu.

₁₈No wan fu den pikin di a meki tyari en waka,

no wan fu den pikin di a kweki grabu en anu hori.

₁₉Tu sani miti yu.

Suma sa gi yu dek'ati?

Ala sani broko, ala sani pori,

angri nanga bigi feti.

Suma man trowstu yu?

₂₀Den pikin fu yu fadon didon tapu den uku fu ala strati,

den no man du noti moro.

leki wan dia di fasi ini wan net.

A atibron fu MASRA ben kon hebi na den tapu,

a strafu fu a Gado fu den.

₂₁Ma yu di someni sani miti, arki now,

yu di drungu, ma no fu win.

₂₂Na so Masra MASRA taki,

a Gado fu yu, di e taki gi En pipel:

Luku, Mi puru a kan na yu anu di ben drungu yu.

A kroiki nanga a hebi atibron fu Mi,

yu no abi fu dringi moro fu en.

₂₃Mi e langa en gi den wan di ben pina yu,

den di ben taigi yu taki:

“Go didon na gron meki un waka na yu tapu.”

So yu go didon

èn yu bradi yu baka leki wan strati gi den

fu den ben kan waka psa.