25 maart - Jesaja 52:1-6

₁Opo, Sion, opo!

Kisi krakti baka!

Weri moi krosi, santa foto Yerusalem!

Bika no wan sma di no besnei,

noso wan sma di no krin ini Gado ai,

o kon na yu ini moro.

₂Yerusalem, opo, dan yu e naki a doti puru fu yu skin.

Teki yu presi tapu a kownusturu.

Sion, yu di ben de na strafu,

lusu den keti fu yu neki.

₃Na so MASRA taki:

Noti den no pai di den bai unu,

noti Mi no o pai tu fu fri unu.

₄Na so MASRA taki:

Langa di psa a pipel fu Mi ben hari go na Egipte

fu tan leki doroseisma drape fu wan pisten.

Ma a pipel fu Asur pina den sondro fu den du wan sani.

₅Ma san Mi e si dyaso now?

MASRA e taki.

Den tyari a pipel fu Mi gwe sondro taki den du wan sani.

Den edeman fu den ben e krei,

MASRA taki.

Èn dorodoro, ibri dei, den ben teki a nen fu Mi e meki spotu.

₆Ma a ten dati a pipel fu Mi sa sabi a nen fu Mi,

èn taki na Mi na a wan di e taki:

“Un luku Mi dyaso.”