33Leri mi, MASRA, san den sani wani taki
di wi mus tan du,
dan mi sa du den solanga mi e libi.
34Gi mi ferstan fu mi kan hori a wèt fu Yu,
nanga mi heri ati mi sa du san a e taki.
35Yepi mi fu teki a pasi di den gebod fu Yu e sori mi,
bika na dati mi e angri fu du.
36Meki mi ati angri fu den sani fu Yu di wi mus memre,
èn no fu meki moni nomo.
37No meki mi lasi mi ten fu luku sani di no abi warti,
ma meki Yu pasi hori mi na libi.
38Du san Yu pramisi a knekti fu Yu,
di abi dipi lespeki gi Yu.
39No meki sma teki mi meki spotu,
mi frede dati sote,
ma den sani fu Yu bun,
na san wi mus tan hori wisrefi.
40Luku, mi e angri fu du den komanderi fu Yu,
ma hori mi na libi fu di Yu e du sani nanga leti.
