Yésaya 16

pada ngirimna tyempé kanggo upeti

sangka kuta Sela ngliwati ara-ara samun

menyang gunung Sion.

₂Kaya manuk sing mabur lunga,

lan isiné susuh digusah,

kaya mengkono anaké wadon Moab

ing sabrangané kali Arnon.

₃“Ngekèkana pitutur,

bélani wewenangé,

dadia pangayomé sing iyup

ing wayah awan;

wong-wong sing dibuwang pada delikna,

aja mblénjani wong sing pada mblayu!

₄Para wong sing dibuwang sangka Moab

bèn pada mondok ing panggonanmu,

dadia panggonan pandelikané wong-wong kuwi

kanggo sing arep ngentèkké!

Yèn tumindak peksa wis ora ana,

pengrusak wis ora ana

lan wong seneng nindes wis entèk sangka negarané,

₅terus ana dampar sing bakal diedekaké awit sangka kawelasan

lan kuwi bakal tansah njagongi ing tarupé Daved

karo sakwijiné rèkter sing njejekké keadilan,

lan sing gelis-gelis nindakké kabeneran.”

₆Aku wis pada krungu bab gemunggungé Moab,

pantyèn sombong banget kuwi,

bab kemlèlèté, gemunggungé lan gemregeté,

lan enggoné ngotyèh sing ora bener.

₇Mulané ya bèn wong Moab ngaduh-aduh kanggo Moab,

sing siji awit sangka sijiné, bèn

kabèh pada ngaduh-aduh.

Awit kèlingan marang kuku kismis sangka Kir-Hareset

ya bèn pada sambat lan remuk pisan!

₈Awit ing kebon-kebon ing Hèsbon lan wit anggur ing Sibma

wis pada gloyoran;

para sing nyekel pangwasa kanggo bangsa-bangsa

wis pada mbabati wit-wité anggur sing betyik déwé,

sing mbiyèn ngrambat tekan Yaéser

lan mrambat tekan ara-ara samun;

pangé pating ngglolor

tekan sabrangé segara.

₉Mulané aku mèlu nangis kaya Yaéser

awit sangka wit anggur ing Sibma mau;

kowé arep tak telesi karo eluhku,

hé Hèsbon lan Eléalé,

awit ing waktu ketiga tyotyok ing waktu panèn

mungsuhmu nyerang karo bengokan perang.

₁₀Wis entèk kabungahan lan surak-surak

sangka kebon wowohan;

wis ilang sangka kebon-kebon anggur

swara bungah-bungah lan surak-surak;

wis ora ana sing ngidak-idak ing panggonan peresané,

Aku wis ngendek bungah-bungahé.

₁₁Awit sangka kuwi kaya uniné siter,

ya kaya mengkono jeritané atiku weruh kahanané Moab,

lan batinku rontok weruh kahanané Kir-Heres.

₁₂Mulané senajan Moab ngabekti

lan nglabuhi karo ngrekasa banget ing puntuk pangurbanan

lan mlebu ing omah sutyiné perlu ndedonga,

ora bakal olèh apa-apa.