Yosua 19

₁Lotréan sing kaping pindo tiba marang taler Siméon, ya kuwi taler turunané Siméon miturut turunané, tanah pandumané peneré ing tengah-tengahé tanah pandumané turunané Yéhuda. ₂Nanging sing dadi duwèké ya kuwi: Bèrsyéba, Syéba, Molada, ₃Hasar-Sual, Bala, Ezem, ₄Eltolat, Betul, Horma, ₅Siklag, Bèt-Hamarkabot, Hasar-Susa, ₆Bèt-Lebaot lan Saruken, kuta telulas lan désa-désané, ₇Ain, Rimon, Eter, lan Asan, kuta papat lan désa-désané, ₈uga kabèh désa ing sak ubengé kuta kuwi mau tekan ing Baalat-Béér, ya kuwi Rama, ing tanah Kidul. Kuwi tanah pandumané taler turunané Siméon, miturut turunané. ₉Tanah pandumané turunané Siméon kuwi dijukuk sangka pandumané turunané Yéhuda, awit tanah pandumané turunané Yéhuda kakèhan, mulané turunané Siméon pada olèh tanah panduman ing sak tengahé tanah pandumané Yéhuda.

₁₀Lotréan sing kaping telu kuwi tiba marang turunané Sébulon miturut turunané; watesé tanah pandumané kuwi tekan ing Sarid. ₁₁Watesé terus mengulon munggah menyang ing Marala, tekan ing Dabeset, lan terus tekan kali sing mili ngliwati Yoknéam. ₁₂Sangka Sarid watesé mau ménggok mengétan nuju njedulé srengéngé, ngliwati bawah Kislot-Tabor, nuju ing Dobrat, terus munggah menyang ing Yafia. ₁₃Sangka kono terus mengétan nuju njedulé srengéngé, menyang ing Gat-Hèfèr, menyang ing Et-Kasim, nuju ing Rimon lan ménggok menyang ing Nea. ₁₄Watesé terus ménggok ngubengi kuta kuwi ing sak loré Hanaton lan tekan ing panggonan El. ₁₅Terus Katat, Nahalal, Simron, Yidala lan Bètléhèm; kuta rolas karo désa-désané. ₁₆Ya kuwi tanah pandumané wong turunané Sébulon miturut turunané, ya kuwi kuta-kutané mau karo désa-désané.

₁₇Lotréan sing kaping papat kuwi tiba marang taler Isakar, ya kuwi marang turunané Isakar miturut turunané. ₁₈Sing dadi panggonané ya kuwi: Yisreèl, Kesulot, Sunem, ₁₉Hafaraim, Sion, Anakarat, ₂₀Rabit, Kisyon, Ebes, ₂₁Remet, En-Genim, En-hada, lan Bèt-Pases. ₂₂Watesé tekan ing Tabor, Sahasina, lan Bèt-Sémes, nanging watesé tekan ing laut Yordan: gunggungé kuta nembelas lan désa-désané. ₂₃Ya kuwi tanah pandumané taler turunané Isakar miturut turunané, ya kuta-kuta mau karo désa-désané.

₂₄Lotréan sing kaping lima kuwi tiba marang taler turunané Asyèra miturut turunané. ₂₅Sing dadi panggonané ya kuwi: Helkat, Hali, Beten, Aksaf, ₂₆Alamèlèk, Amad lan Misal, lan watesé tekan ing gunung Karmèl lan ing kali Libnat ing sisih kulon. ₂₇Terus ménggok nuju njedulé srengéngé menyang ing Bèt-Dagon; tekan bawah Sébulon lan ing panggonan Yiftah-El ing sisih lor, Bèt-èmèk lan Néhièl, lan nuju ing Kabul ing sisih lor. ₂₈Terus menyang ing Ebron, Réhob, Hamon lan Kana nganti tekan ing Sidon Gedé. ₂₉Wates kuwi terus mlebu menyang ing Rama lan tekan ing kuta pager watu tirus, watesé terus mlebu menèh menyang Hosa, lan tekan ing segara; uga Hebel, Aksib, ₃₀Uma, Afèk lan Réhob kuta rolikur karo désa-désané. ₃₁Ya kuwi tanah pandumané taler turunané Asyèra miturut turunané, ya kuta-kuta mau karo désa-désané.

₃₂Lotréan sing kaping enem kuwi tiba marang turunané Naftali, ya kuwi marang turunané Naftali miturut turunané. ₃₃Panggonané wiwit ing Hèlef, sangka wit kayu élon ing Saananim, Adami-Nekeb lan Yabneèl sangka Lakum, lan tekan ing laut Yordan. ₃₄Watesé terus bali mengulon menyang ing Asnot-Tabor, terus menyang ing Hukok, tekan ing panggonané Sébulon sisih kidul, tekan panggonané Asyèr, sisih kulon lan tekan bawah Yéhuda ing laut Yordan, njedulé srengéngé. ₃₅Kuta-kutané pager watu ya kuwi: Sidim, Ser, Hamat, Rakat, Kineret. ₃₆Adama, Rama, Hasor, ₃₇Kèdès, Edrèi, En-Hasor, ₃₈Yiron, Migdal-El, Horem, Bèt-Anat, lan Bèt-Sémes, kuta songolas karo désa-désané. ₃₉Kuwi tanah pandumané taler turunané Naftali miturut turunané, ya kuta-kuta kuwi karo désa-désané.

₄₀Lotréan sing kaping pitu kuwi tiba marang taler turunané Dan miturut turunané. ₄₁Sing dadi tanah pandumané ya kuwi: Sora, Esytaol, Ir-Sémes, ₄₂Saalabin, Ayalon, Yitla, ₄₃Elon, Timna, Ekron, ₄₄Elteke, Gibeton, Baalat, ₄₅Yéhud, Bene-berak, Gat-Rimon, ₄₆Me-Yarkon lan Rakon, karo panggonané ing sisih sabrangé Yafo. ₄₇Nanging awit panggonané turunané Dan kuwi rupek, turunané Dan terus pada ngluruk perang nglawan kuta Lesem; kuwi terus direbut, wong pada dientèkké karo landepé pedang, lan negarané terus direbut lan dienggoni; kuta Lesem mau terus diganti jeneng dadi Dan, miturut jeneng Dan taleré. ₄₈Kuwi mau tanah pandumané taler turunané Dan miturut turunané, ya kuta-kuta mau karo désa-désané.

₄₉Sakwisé wong Israèl rampung enggoné pada ngedum negara kuwi dadi tanah pandumané miturut panggonan-panggonané, wong Israèl terus pada ngekèki tanah panduman marang Yosua, anaké Nun ing sak tengahé. ₅₀Miturut préntahé GUSTI Yosua dikèki kuta sing dikarepké, ya kuwi: Timnat-Serah ing pegunungan Efraim; kuta kuwi terus dibangun lan dienggoni.

₅₁Kuwi mau tanah panduman sing pada didum-dumké karo tyara dilotré ing Silo karo imam Eléazar lan Yosua, anaké Nun lan para penggedéné taler ing ngarepé GUSTI, ing ngarepé lawang Tarup-kumpulan. Mengkono enggoné pada ngrampungké pandumané negara kuwi.