Masmur 101

Kula bakal ngidungké kasetian lan angger-angger,

kula bakal ngidungké masmur kanggo Panjenengan, duh GUSTI.

₂Kula bakal nggatèkké urip sing tanpa tyiri:

Mbésuk apa Panjenengan bakal nekani kula?

Kula bakal urip karo ati sing resik

ing omah kula.

₃Kula ora bakal mikir

marang perkara sing ala,

penggawéané wong murtad kuwi kula sengiti,

perkara kuwi ora bakal kelèt marang kula.

₄Ati sing goroh bakal adoh sangka kula,

kula ora bakal gelem kenal karo sing ala.

₅Wong sing rerasanan ngèlèk-èlèkké marang sak pepadané,

kuwi bakal kula entèkké,

wong sing gemunggung lan ngegul-ngegulké atiné,

kuwi kula ora seneng.

₆Mripat kula mandeng marang wong sing pada setia ing negara,

supaya pada manggon nunggal karo kula.

Wong sing tanpa tyiri mlakuné,

kuwi bakal ngladèni kula.

₇Wong sing mlaku lityik

ora bakal manggon ing omah kula,

sapa sing goroh

ora bakal tetep ing ngarep kula.

₈Saben ésuk kula bakal numpes

kabèh wong duraka,

ing negara;

kabèh wong sing mlaku ala,

bakal kula entèkké sangka kutané GUSTI.