1Kanggo juru penyanyi. Masmuré Daved.
Aku ndelik marang GUSTI,
kepriyé kowé pada wani omong marang aku:
“Mabura menyang gunung kaya manuk!”
2Awit delengen, wong duraka pada mentèng gendéwa,
panahé dipasang ing taliné gendéwa,
arep dityulké marang wong sing jujur atiné ing panggonan sing peteng.
3Yèn dasaré pada dibubrahi,
wong bener kuwi bisa nindakké apa?
4GUSTI ing kratoné sing sutyi;
GUSTI damparé ing swarga;
mripaté ngewasi,
kedèpé mripaté mriksa anak-anaké manungsa.
5GUSTI njajal wong bener lan wong duraka,
lan geting marang wong duraka, sing seneng nandangi panganiaya.
6Wong duraka pada diudani areng mengangah lan lirang;
angin sing nggosongké ngebaki tuwungé.
7Awit GUSTI kuwi adil;
seneng marang keadilan:
wong sing jujur atiné bakal nyawang praupan-Né.
Uw browser ondersteunt geen HTML5 audio.