Masmur 110

Tembungé GUSTI marang bendara kula mengkéné:

“Kowé njagonga ing tengen-Ku,

nganti tekan mungsuhmu

wis pada Tak dadèkaké antyik-antyiké tlapakanmu.”

₂GUSTI bakal ngatyungké tekené pangwasa-Né sangka Sion;

Panjenengan nggawa pangwasa ing kumpulané mungsuh-mungsuhmu.

₃Ing dina nglumpukké suradadu Lan umat Panjenengan karo sak kabèhé ati bakal maju dipatyaki karo kesutyian;

sangka wetengé ésuk wétan

Panjenengan metu kaya ebun.

₄GUSTI wis sumpah,

lan bakal ora gela:

“Kowé kuwi dadi imam tekan sak lawas-lawasé

miturut pernatané Mèlkisèdèk.”

₅Gusti ing tengen Panjenengan,

ngremuk para ratu-ratu ing dinané nesu-Né;

₆Gusti ngadili ing antarané para bangsa nganti layon-layoné pada pating glémpang.

Panjenengané ngejur wong-wong sing dadi penggedé ing negara sing amba.

₇Ing pinggir dalan Piyambaké ngombé ing kali,

nganti ndangakké sirahé.