Masmur 113

₁Haléluya!

Hé para abdiné GUSTI, pada memujia,

pada memujia marang asmané GUSTI.

₂Asmané GUSTI kasuwurna,

saiki lan selawasé.

₃Asmané GUSTI pinujia

sangka panggonan njedulé srengéngé nganti tekan ing panggonan mingslepé;

₄GUSTI kuwi luhur ngungkuli sak kabèhé para bangsa,

kamulyané ngungkuli langit.

₅Sapa sing kaya GUSTI, Gusti Allah kita,

sing manggon ing nduwur,

₆sing ngasorké Panjenengané piyambak,

kanggo nyawang langit lan bumi?

₇Wong asor dijunjung sangka lebu

lan wong mlarat dientaské sangka blétokan,

₈dilungguhké tyampur karo para penggedé,

tyampur karo para penggedéné bangsané.

₉Wong sing gabuk dilungguhké ing omah,

dadi ibuné botyah-botyah, mulané kebak kabungahan.

Haléluya!