Masmur 114

₁Waktu Israèl budal sangka negara Egipte,

waktu turunané Yakub metu sangka tengahé bangsa sing béda tembungé,

₂terus Yéhuda dadi panggonan griya sutyi-Né,

Israèl dadi panggonané pangwasa-Né.

₃Segara weruh terus mlayu,

laut Yordan bali menduwur,

₄gunung-gunung pada mentyolot-mentyolot kaya wedus lanang,

puntuk-puntuk pada jingklak-jingklak kaya tyempé.

₅Hé segara, kenèng apa kowé kok mlayu?

Hé laut Yordan, kowé bali menduwur,

₆hé gunung-gunung, kowé pada pentyolotan kaya wedus lanang?

Hé puntuk-puntuk, kowé pada jingklak-jingklak kaya tyempé?

₇Gemetera hé bumi, ing ngarepé Gusti,

ing ngarepé Gusti Allahé Yakub,

₈sing ngowahi watu dadi blumbang,

lan watu sing atos dadi sumber.