Masmur 120

Sak njeruhné kangèlan aku sambat marang GUSTI,

terus dituruti:

₂“Duh GUSTI, Panjenengan supaya gelem ngutyuli kula

sangka lambé sing goroh,

sangka ilat sing ngapus.”

₃Apa sing bakal dikèkké marang kowé,

lan kowé dikèki tambahan apa,

hé ilat sing ngapus?

₄Panahé pahlawan sing landep,

lan geniné kayu arar.

₅Tyilaka aku awit kudu manggon kaya wong mantya,

kaya wong mantya ing negara Mèsèk,

awit kudu manggon ing antarané tarupé bangsa Kedar!

₆Wis tyukup suwé panggonanku

tyampur karo wong sing pada sengit marang rukunan.

₇Aku iki seneng rukun, nanging saben ana tembungku,

wong kono terus pada ngajak perang.